នៅថ្ងៃអង្គារនេះ ដាណឺម៉ាក បានប្រកាសផែនការបង្កើនការចំណាយនៅដែនដី Greenland ជាមួយនឹងថវិកា ២៥៣លានដុល្លារសម្រាប់ការវិនិយោគលើហេដ្ឋារចនាសម្ព័ន្ធ និងការថែទាំសុខភាព ចន្លោះឆ្នាំ ២០២៦ និងឆ្នាំ ២០២៩ ស្របពេលដែលចំណាប់អារម្មណ៍អន្តរជាតិលើកោះនៅតំបន់អាក់ទិកមួយនេះ កើនឡើង ។

ប្រធានាធិបតីសហរដ្ឋអាមេរិកលោក Donald Trump បាននិយាយថា លោកចង់គ្រប់គ្រងកោះ Greenland ដែលជាដែនដីពាក់កណ្តាលស្វយ័តស្ថិតនៅក្នុងរាជាណាចក្រដាណឺម៉ាក ។ កោះស្ថិតក្នុងតំបន់យុទ្ធសាស្រ្តមួយនេះ សម្បូរដោយធនធានប្រេង ធនធានឧស្ម័ន ហើយនិងធនធានរ៉ែជាច្រើនទៀត ត្រូវការសម្រាប់ឧស្សាហកម្មបច្ចេកវិទ្យាខ្ពស់ ។

ដាណឺម៉ាកដែលបន្តគ្រប់គ្រងសន្តិសុខ និងកិច្ចការបរទេសកោះ Greenland បានឆ្លើយតបវិញជាមួយនឹងវិនិយោគទុនកើនឡើង ដើម្បីធ្វើឲ្យល្អប្រសើរឡើងទំនាក់ទំនងជាប់គាំងជាមួយពលរដ្ឋ ៥៧.០០០នាក់ នៅលើដែនដីមួយនេះ ។

មូលនិធិនេះដែរ នឹងផ្តល់ហិរញ្ញប្បទានសម្រាប់ផ្លូវចុះចតយន្តហោះថ្មី ស្ថិតនៅទីក្រុង Ittoqqortoormiit ភាគខាងកើតកោះ Greenland និងកំពង់ផែទឹកជ្រៅក្នុងទីក្រុង Qaqortoq នៅភាគខាងត្បូង ៕