នគរបាលអេស្ប៉ាញបានប៉ះទង្គិចជាមួយក្រុមអ្នកគាំទ្រក្លឹបបាល់ទាត់ម៉ាកសី(Marseille)របស់បារាំង នៅមុនការប្រកួតបាត់ទាល់ Champions League រវាងក្លឹបបារាំង និងក្លឹប Real Madrid។

ការប្រឈមដាក់គ្នាបានចាប់ផ្តើមនៅក្នុងរដ្ឋធានីរបស់អេស្ប៉ាញកាលពីថ្ងៃអង្គារសប្ដាហ៍នេះ ខណៈក្រុមអ្នកគាំទ្ររង់ចាំចូលទៅក្នុងកីឡដ្ឋាន សាន់ទីអាហ្គោ ប៊ណាបេអូ(Santiago Bernabeu) មុនពេលការប្រកួត។

នគរបាលដែលប្រើឧបករណ៍បង្ក្រាបកុបកម្ម និងមន្ត្រីជិះសេះបានប្រើដំបងឆក់ដើម្បីបំបែកក្រុមអ្នកគាំទ្របារាំង ខណៈពួកគេទំនងជាព្យាយាមរើចេញពីកន្លែងដែលបានបែងចែកសម្រាប់ពួកគេ ស្របពេលកំពុងរង់ចាំនៅខាងក្រៅទ្វារ ប៊ណាបេអូ។  

ក្រុមអ្នកគាំទ្របារាំងពីរបីពាន់នាក់ត្រូវបានរំពឹងទុកសម្រាប់ការប្រកួតនេះ ហើយវត្តមាននគរបាលដ៏ច្រើនបានចូលរួមសម្រាប់ការប្រកួតនេះ។

ស្ថានការណ៍ត្រូវបានគ្រប់គ្រងយ៉ាងឆាប់រហ័ស ហើយក្រុមអ្នកគាំទ្របានចូលកីឡដ្ឋានទាន់ពេលសម្រាប់ការប្រកួត។

បុគ្គលិកសន្តិសុខ ច្រកទ្វារ ប៊ណាបេអូ មិនបានអនុញ្ញាតឱ្យក្រុមអ្នកគាំទ្រចូលទៅក្នុងកីឡដ្ឋានដែលមានទង់ជាតិប៉ាឡេស្ទីន ដោយអនុវត្តគោលនយោបាយមាននៅមុនពេលការតវ៉ាដែលគាំទ្រប៉ាឡេស្ទីនបានរំខានដល់ការប្រណាំងកង់អេស្ប៉ាញ Vuelta នៅចុងសប្តាហ៍នេះ។

ទង់ជាតិត្រូវបានរឹបអូសពីក្រុមអ្នកគាំទ្រដែលព្យាយាមចូលដោយកាន់ទង់ជាតិប៉ាឡេស្ទីន។