នៅរសៀលថ្ងៃទី១៧ ខែកញ្ញា ឆ្នាំ២០២៥នេះ ទាហានថៃបានបន្តបំពានលើអធិបតេយ្យភាពកម្ពុជាដោយបានបន្តរាយបន្លាលួសនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ រួមទាំងបានប្រើប្រាស់នូវឧស្ម័នបង្ហូរទឹកភ្នែកមកលើប្រជាពលរដ្ឋកម្ពុជាផងដែរ។

គួរបញ្ជាក់ថា តាមរយៈការប្រកាន់ខ្ជាប់នូវបទឈប់បាញ់ កម្ពុជាបានបន្តដំណើរការកិច្ចប្រជុំជាមួយភាគីថៃជាបន្តបន្ទាប់ ទាំងកិច្ចកិច្ចប្រជុំពិសេសលើកទី១ របស់គណៈកម្មាធិការព្រំដែនទូទៅកម្ពុជា-ថៃ (GBC) កាលពីថ្ងៃទី១០ ខែកញ្ញានេះ នៅខេត្តកោះកុង, កិច្ចប្រជុំវិសាមញ្ញរបស់គណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) កាលពីខែសីហា កន្លងទៅនេះ, កិច្ចប្រជុំ កម្រិតនគរបាលជាតិកម្ពុជា ជាមួយនគរបាលភូមិន្ទថៃ នៅថ្ងៃទី១៦ ខែកញ្ញាម្សិលមិញនេះ រួមនឹងកិច្ចប្រជុំរវាង អភិបាលខេត្តបន្ទាយមានជ័យ ជាមួយអភិបាលខេត្តស្រះកែវ នៅព្រឹកថ្ងៃទី១៧ ខែកញ្ញានេះជាដើម។ 

ទោះបីជាមានកិច្ចប្រជុំជាបន្តបន្ទាប់ ទាហានថៃបានបន្តគឃ្លើនចូលមក បំពានលើអធិបតេយ្យភាពកម្ពុជាដោយបានបន្តរាយបន្លាលួសនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ រួមទាំងបានប្រើប្រាស់នូវឧស្ម័នបង្ហូរទឹកភ្នែកមកលើប្រជាពលរដ្ឋកម្ពុជាផងដែរ។ នេះបើតាមការបញ្ជាក់របស់លោក នេត្រ ភក្រ្ដា រដ្ឋមន្រ្ដីក្រសួងព័ត៌មាន។