សភារបស់ប្រទេសទីម័រខាងកើត កាលពីថ្ងៃពុធ បានលុបចោលផែនការផ្តល់ប្រាក់ឧបត្ថមសោធននិវត្តន៍ពេញមួយជីវិតដល់សមាជិកសភា ដោយបង្កឲ្យមានការតវ៉ាដឹកនាំដោយនិស្សិតជាច្រើនថ្ងៃ។ 

និស្សិតជាង ១.០០០នាក់បានតវ៉ារយៈពេលបីថ្ងៃនៅមុខអគារសភារបស់ប្រទេសទីម័រខាងកើតក្នុងរដ្ឋធានី Dili ដោយទាមទារឱ្យរដ្ឋាភិបាលលុបចោលផែនការផ្តល់ប្រាក់ឧបត្ថមប្រាក់សោធននិវត្តន៍ពេញមួយជីវិតសម្រាប់សមាជិកសភា។

គណបក្សនានានៅក្នុងសភារបស់ប្រទេសទីម័រខាងកើត បាននិយាយថា ពួកគេនឹងលុបចោលផែនការនេះដោយយល់ថាបានចុះកិច្ចព្រមព្រៀងជាមួយនិស្សិត។ កាលពីពេលមុន សមាជិកសភាបានលុបចោលផែនការទិញរថយន្តចំនួន៦៥គ្រឿងសម្រាប់សមាជិកខ្លួន ដែលបង្កឱ្យមានកំហឹងផងដែរ។ 

ក្រុមអ្នកតវ៉ានៅសប្តាហ៍នេះ បានបំផ្លាញអគាររដ្ឋាភិបាល ដុតកង់រថយន្ត និងគប់ដុំថ្មទៅលើនគរបាល ដែលនាំឱ្យអាជ្ញាធរបាញ់ឧស្ម័នបង្ហៀរទឹកភ្នែកទៅលើអ្នកតវ៉ា។ ប្រទេសទីម័រខាងកើត ដែលត្រូវបានគេស្គាល់ជាទូទៅថា Timor-Leste មានប្រជាជនចំនួន១,៣លាននាក់រស់នៅលើកោះមួយដែលធំជាងប្រទេសកាតាបន្តិច។ វាជាប្រទេសក្រីក្របំផុតមួយនៅអាស៊ីអាគ្នេយ៍ ហើយពឹងផ្អែកលើប្រភពប្រេងនិងឧស្ម័នតិចតួច។