​វាយ​កូន​បាល់​៖ ​កីឡាការិនី​វាយ​កូន​បាល់​ពីររូប Ashleigh Barty និង Danielle Collins សុ​ទ្ធតែ​បាន​បង្កើត​ប្រវត្តិសាស្ត្រ​រៀងខ្លួនក្រោយ​កក់​កៅអី​វគ្គ​ផ្តាច់ព្រ័ត្រ Grand Slam, Australian Open​។ ​​គូ​ដំបូង​នេះ​កីឡាការិនី​អូស្ត្រាលី Ashleigh Barty បច្ចុប្បន្ន​ឈរ​លេខ ១ ពិភពលោក​បានក្លាយ​ជា​កីឡាការិនី​ម្ចាស់ផ្ទះ​អូស្ត្រាលី​ទី១ ក្នុង​រយៈពេល ៤២ឆ្នាំ​ដែល​ឡើង​វគ្គ​ផ្តាច់ព្រ័ត្រ​បន្ទាប់ពី​យកឈ្នះ​កីឡាការិនី​អាមេរិក Madison Keys​។

​​ជើងឯក Wimbledon រូបនេះ​ហាក់​មិន​លំបាក​ឡើយ​ក្នុង​ជ័យជំនះ​នៅ​វគ្គ​ពាក់កណ្តាល​ផ្តាច់ព្រ័ត្រ​របស់ខ្លួន​ ពោលគឺក្នុង​លទ្ធផល ៦-១ និង ៦-៣ និង​ជា​ស្ថិតិ​អស្ចារ្យ​បន្ថែមទៀត​ដោយ​មិនទាន់​ចាញ់​ ១​សិត​ណា​ឡើយ​ក្នុង​ព្រឹត្តិការណ៍​។ ​​Ashleigh Barty នឹង​ជួប​ជាមួយ​កីឡាការិនី​អាមេរិក​មួយរូប​ទៀត​នៅ​វគ្គ​ផ្តាច់ព្រ័ត្រ​គឺ​កីឡាការិនី​លំដាប់​លេខ ២៧ Danielle Collins​។​ ​​កីឡាការិនី​វ័យ ២៨ឆ្នាំ Danielle Collins ក៏បាន​កក់​កៅអី​នៅ​វគ្គ​ផ្តាច់ព្រ័ត្រ Grand Slam លើកដំបូង​ក្នុង​អាជីព​ផងដែរ​ក្រោយ​យកឈ្នះ​កីឡាការិនី​ប៉ូឡូញ Iga Swiatek ៦-៤ និង ៦-១​។ ជ័យ​ជំនះ​បាន​បន្ត​ក្តី​ស្រមៃ​របស់ Danielle Collins បន្ទាប់ពី​ទទួល​ការវះកាត់​ដៃ​ស្បូន​កាលពី​ខែមេសា និង​វិល​មក​ប្រកួត​វិញ​ពីរ​ខែ​បន្ទាប់ និង​ឈានដល់​កំរិត​នេះ​។ ​​វគ្គ​ផ្តាច់ព្រ័ត្រ​ផ្នែក​នារី​នឹងធ្វើ​ឡើង​នៅ​ថ្ងៃ​សោ​រ៍​ចុង​សប្តាហ៍​នេះ ខណៈ​ផ្នែក​បុរស​ធ្វើ​នៅ​ថ្ងៃអាទិត្យ​៕

​អត្ថបទ​៖ ​នាង សុភា​វុ​ធ