​ចិន៖ លោក​ប្រធានាធិបតី​ចិន Xi Jinping បានធ្វើ​ដំណើរ​ដ៏​ពិ​សេសមួយ​ទៅកាន់​លំនៅឋាន​របស់​អ្នកភូមិ​នៅ​តំបន់​ជនបទ អំឡុង​ការ​ដំណើរចុះ​ពិនិត្យ​ស្ថានភាព​នៅ​តំបន់​ជនបទនៃ​ខេត្ត Shanxi ភាគ​ខាងជើងរបស់​ប្រទេស​ចិន ប៉ុន្មាន​ថ្ងៃមុន​ពិធីបុណ្យ​និ​ទារឃ​រដូវ ឬ​ពិធីបុណ្យ​ចូលឆ្នាំថ្មី​ប្រពៃណី​ចិន​ចូលមក​ដល់​។​

​លោក Xi បាន​អញ្ជើញ​ទៅកាន់​លំនៅឋាន​របស់​អ្នកស្រុក​ចំនួន​២ នៅក្នុង​ភូមិ Fengnanyuan និង​ភូមិ Duancun ​ជិត​ទីក្រុង Huozhou របស់​ខេត្ត​នេះ និង​បាន​ជួប​សំណេះសំណាល​សួរសុខទុក្ខ​ក្រុមគ្រួសារ​ជាច្រើន​នៅក្នុង​តំបន់​នោះ​។ ក្រុម​អ្នកភូមិ​នោះបាន​និយាយថា ដំណើរ​ចុះសួរសុខទុក្ខ​របស់លោក Xi ហាក់​ផ្ដល់​ភាពកក់ក្ដៅ​យ៉ាងពិត​ប្រាកដ​ដល់​ពួកគេ ក្នុងអំឡុងពេល​អាកាសធាតុ​ត្រជាក់​គ្របដណ្ដប់​ដោយ​ព្រិល​។ ​ក្នុង​ធ្វើដំណើរ​ចុះសួរសុខទុក្ខ​របស់លោក Xi ទៅកាន់​ខេត្ត Shanxi លោកបាន​អញ្ជើញ​ទៅ​តំបន់​វប្បធម៌​ និងសហគ្រាសនៅក្នុង​ទីក្រុង​ផ្សេងៗ ខណៈ​លោក​ជូនពរ​ដល់​អ្នកស្រុក​ក្នុងឱកាស​បុណ្យ​ឈប់សម្រាក​ប្រពៃណី​របស់​ចិន ​ដែល​នឹង​ចូលមក​ដល់​នៅ​ដើម​សប្ដាហ៍​ក្រោយ​។ ក្នុង​រយៈពេល​ ១០​ឆ្នាំ​ជាប់ៗ​គ្នាលោក Xi តែងតែ​ចុះទៅ​សួរសុខទុក្ខ​ប្រជាពលរដ្ឋ​នៅតាម​បណ្ដា​ខេត្ត​នានា មុន​ថ្ងៃបុណ្យ​ចូលឆ្នាំ​ចិនដែលជា​ថ្ងៃ​ឈប់សម្រាក​ដ៏​សំខាន់បំផុតសម្រាប់​ប្រតិ​ទីន​ជនជាតិ និង​ជា​ឱកាស​នៃ​ការជួបជុំ​ក្រុមគ្រួសារ​៕

អត្ថបទ៖ សុខមាន