រដ្ឋមន្រ្តីការបរទេសកូរ៉េខាងត្បូងលោក Cho Hyun និយាយនៅថ្ងៃសុក្រនេះថា រដ្ឋាភិបាលរបស់លោកនឹងធ្វើការលើកឡើងពីបញ្ហាប្រឈមដោយកម្មករកូរ៉េខាងត្បូងជាមួយទិដ្ឋាការសហរដ្ឋអាមេរិក មុនពេលបន្តជាមួយកញ្ចប់វិនិយោគទុន ៣៥០ពាន់លានដុល្លារ ដែលជាផ្នែកមួយនៃកិច្ចព្រមព្រៀងពាណិជ្ជកម្មទ្វេភាគី ។

សេចក្តីអត្ថាធិប្បាយរបស់លោក បានកើតមាន ក្រោយការវាយឆ្មក់អន្តោប្រវេសន៍កាលពីពេលថ្មីៗរបស់សហរដ្ឋអាមេរិក ចាប់ខ្លួនកម្មករកូរ៉េខាងត្បូងរាប់រយនាក់នៅរោងចក្រផលិតអាគុយរថយន្តរបស់ក្រុមហ៊ុន Hyundai Motor ស្ថិតក្នុងរដ្ឋ Georgia ។

លោក Cho និយាយផងដែថា លោករំពឹងថា ប្រធានាធិបតីចិនលោក Xi Jinping នឹងចូលរួមកិច្ចប្រជុំកំពូលក្រុមមេដឹកនាំនៅវេទិកា APEC ដែលត្រូវបានរៀបចំធ្វើជាម្ចាស់ផ្ទះដោយកូរ៉េខាងត្បូង នាចុងខែតុលាខាងមុខនេះ ។

លោក Cho ដែលទើបវិលត្រឡប់ពីដំណើរទស្សនកិច្ចរបស់លោកទៅកាន់ទីក្រុងប៉េកាំងសម្រាប់កិច្ចប្រជុំជាមួយរដ្ឋមន្រ្តីការបរទេសចិនលោក Wang Yi ក្នុងសប្តាហ៍នេះ និយាយថា លោកបានបញ្ជូនសារស្តីពីឆន្ទៈរបស់កូរ៉េខាងត្បូង ក្នុងការពិភាក្សាលើកិច្ចសហប្រតិបត្តិការវប្បធម៌ជាមួយចិន នៅជំនួប APEC ៕