អង្គការសហប្រជាជាតិ(UN)បានព្រមានថា ជនស៊ីវិលទទួលរងផលប៉ះពាល់យ៉ាងធ្ងន់ធ្ងរ ស្របពេលដែលសង្រ្គាមស៊ីវិលស៊ូដង់ បន្តអូសបន្លាយពេល និងកាន់តែខ្លាំងក្លាឡើងជាងមុន ។

 ការិយាល័យសិទ្ធិមនុស្សអង្គការសហប្រជាជាតិ(OHCHR) និយាយនៅក្នុងរបាយការណ៍ចេញផ្សាយនៅថ្ងៃសុក្រនេះថា ចំនួនជនស៊ីវិលស្លាប់ និងអំពើហិង្សាជនជាតិភាគតិច បានកើនឡើងយ៉ាងខ្លាំងក្លា ពេលដែលសង្រ្គាមឆ្លងផុតខួបរយៈពេល ២ឆ្នាំ ។

លោក Volker Turk គឺជាប្រធាន OHCHR និយាយនៅក្នុងសេចក្តីថ្លែងការណ៍ថា ជម្លោះស៊ូដង់ គឺជាសង្រ្គាមមួយដែលត្រូវបានគេបំភ្លេចចោល ហើយលោកសង្ឃឹមថា របាយការណ៍ការិយាល័យរបស់លោក នឹងផ្តល់ការយកចិត្តទុកដាក់សារជាថ្មីចំពោះស្ថានភាពដ៏គ្រោះថ្នាក់នេះ ជាទីដែលកើតមានឧក្រិដ្ឋកម្មដ៏ឃោឃៅ ក្នុងនោះឧក្រិដ្ឋកម្មសង្រ្គាមត្រូវបានគេប្រព្រឹត្ត ។

 របាយការណ៍រកឃើញថា នៅថ្ងៃនេះ មនុស្សរាប់សិបនាក់ត្រូវបានសម្លាប់ដោយទាហានប៉ារ៉ា នៅក្នុងការវាយប្រហារលើព្រះវិហារមួយកន្លែងនៅទីក្រុង Darfur ។

 របាយការណ៍បន្តថា អត្រាជនស៊ីវិលស្លាប់នៅទូទាំងប្រទេសស៊ូដង់ បានកើនឡើង ក្នុងនោះជនស៊ីវិល ៣.៣៨៤នាក់ បានស្លាប់នៅរយៈពេល ៦ខែដំបូងក្នុងឆ្នាំ ២០២៥ គឺជាតួលេខមួយស្មើនឹង ៨០ភាគរយនៃចំនួនជនស៊ីវិលស្លាប់ ៤.២៣៨នាក់ ពេញមួយឆ្នាំ ២០២៤ ៕