អង្គការទេសន្តរប្រវេសន៍អន្តរជាតិ (IOM)បាននិយាយកាលពីថ្ងៃសុក្រថា សាកសពមនុស្ស ១៩ នាក់ ត្រូវបានរកឃើញវិញ បន្ទាប់ពីទូកដឹកជនអន្តោប្រវេសន៍ធ្វើពីកៅស៊ូមួយគ្រឿង បានលិច នៅឆ្នេរសមុទ្រភាគខាងកើតប្រទេសលីប៊ី។  

អ្នកនាំពាក្យ IOM បានប្រាប់សារព័ត៌មាន AP កាលពីថ្ងៃសុក្រថា ទូកដែលដឹកជនជាតិស៊ូដង់ខាងត្បូង និងជនជាតិស៊ូដង់ខាងត្បូងជាង ៧០នាក់នោះ បានចេញដំណើរពីឆ្នេរក្បែរទីក្រុង Kambout កាលពីថ្ងៃទី ០៩ ខែកញ្ញា ហើយបានលិចនៅថ្ងៃដដែល។ 

អង្គការ IOM បាននិយាយថា មនុស្សសរុបចំនួន ១៤នាក់ ត្រូវបានជួយសង្គ្រោះ រយៈពេល ៥ថ្ងៃ ក្រោយមក ខណៈដែលមនុស្ស ៤២នាក់ផ្សេងទៀត នៅតែបាត់ខ្លួន ដោយពុំមិនច្បាស់ថាតើអ្នកដែលត្រូវបានជួយសង្គ្រោះទាំងនោះ អាចរស់នៅក្នុងសមុទ្របានដោយរបៀបណាទេ ក្នុងអំឡុងពេលនោះ។

ប្រទេសលីប៊ី គឺជាចំណុចឆ្លងកាត់ដ៏សំខាន់មួយសម្រាប់ជនអន្តោប្រវេសន៍ ដែលបានព្យាយាមចូលទៅកាន់ទ្វីបអឺរ៉ុប ដោយសារការភៀសខ្លួនពីសង្គ្រាម និងភាពក្រីក្រនៅអាហ្វ្រិក និងមជ្ឈិមបូព៌ា៕