​បាល់ទាត់៖ ​ក្លិប​ហង្ស​ក្រហម Liverpool បាន​បដិសេធ​សំណើ​ទិញ​ខ្សែប្រយុទ្ធ​ជប៉ុន Takumi Minamino ពី​ក្លិប​រួម​លី​គ Leeds United និង​ក្លិប​បារាំង AS Monaco​។ ​​ក្លិប​ទាំងពីរ​បានបង្ហាញ​ចំណាប់អារម្មណ៍​លើ​កីឡាករ​វ័យ ២៧ឆ្នាំ​រូបនេះ​ដែល Liverpool ទិញ​ពី RB Salzburg កាលពី​ឆ្នាំ២០២០ ក្នុងតម្លៃ ៧.២៥លាន​ផោន តែ Liverpool ចាត់ទុក​កីឡាករ​ជប៉ុន​រូបនេះ​ជា​សមាជិក​សំខាន់​សំរាប់​ក្រុម​បច្ចុប្បន្ន និង​អនាគត​។

Takumi Minamino បង្ហាញខ្លួន​បាន ១៨ប្រកួត​ហើយ​រដូវ​កាល​នេះ​រកបាន ៦គ្រាប់​។ ​កីឡាករ​វ័យ ២៧ឆ្នាំ​រូបនេះ​ថែមទាំង​អ្នក​ស៊ុត​បញ្ចូល​ទី ៤គ្រាប់​នៅ Carabao Cup បូករួម​ទាំង​ការ​ស៊ុត​ចុង​ម៉ោង​តាម​ស្មើ Leicester City និង​យកឈ្នះ​នៅ​វគ្គ ១១ម៉ែត្រ​កាត់សេចក្តី​។ ​​ក្រោយមក​ក្រុម​របស់លោក Jurgen Klopp ក៏បាន​យកឈ្នះ Arsenal នៅ​វគ្គ​ពាក់កណ្តាល​ផ្តាច់ព្រ័ត្រ និង​ឡើង​វគ្គផ្តាច់ព្រ័ត្រ​ជួប​តោ​ខៀវ Chelsea នៅ​ថ្ងៃទី២៧ ខែក្រោយ​នេះ​។ ​រំលឹកថា Takumi Minamino ធ្លាប់បាន​ចំណាយពេល​ពាក់កណ្តាលរ​ដូ​វ​កាល​មុន​ជាមួយ Southampton បង្ហាញខ្លួន​បាន ១០លើក​រកបាន ២គ្រាប់​៕

​អត្ថបទ​៖​នាង សុភា​វុ​ធ