នៅថ្ងៃចន្ទនេះ ព្យុះទីហ្វុង Ragasa បាននាំមកជាមួយខ្យល់ និងភ្លៀងធ្លាក់ខ្លាំងនៅខេត្ត Cagayan បណ្តាលឲ្យដើមឈើយោល និងបង្ករលកសមុទ្រធំៗនៅតាមបណ្តោយឆ្នេរនៅខេត្តភាគឦសានប្រទេសហ្វីលីពីនមួយនេះ ។

ក្រុមអាជ្ញាបានផ្អាកការងារ និងបិទសាលារៀននៅទីក្រុងម៉ានីល និងតំបន់ជាច្រើនទៀតនៅក្នុងប្រទេសមួយនេះ ។ 

ក្រុមមន្រ្តីឧតុនិយមរដ្ឋ បានបង្កើនការព្រមានព្យុះទីហ្វុងដល់កម្រិតខ្ពស់បំផុត ចាប់ពីកោះដាច់ស្រយាល Babuyan រហូតដល់កោះភាគខាងជើង Luzon ជំរុញឲ្យអ្នកស្រុកនៅតាមតំបន់សហគមន៍ទាបៗ និងតាមតំបន់មាត់ឆ្នេរ ជម្លៀសខ្លួនមុនការកញ្រ្ជោលឡើងរបស់ព្យុះ និងលទ្ធភាពនៃការជន់លិច ។

ជាមួយកម្លាំងខ្យល់បក់ ២០៥គ.មក្នុង ១ម៉ោង និងសន្ទុះខ្យល់បក់ ២៥០គ.មក្នុង ១ម៉ោង ព្យុះ Ragasa ត្រូវបានគេព្យាករណ៍ថា នឹងបោកបក់ដល់ដីគោក ឬឆ្លងកាត់កោះ Babuyan នៅរសៀលថ្ងៃនេះ មុនពេលបោកបក់ឆ្លងកាត់ច្រកសមុទ្រ Luzon ។

ក្រុមព្យាករហ្វីលីពីន បានព្រមានពីការដាច់ចរន្តអគ្គិសនី បំណាក់ដី និងសមុទ្រគ្រោះថ្នាក់ ពេលដែលព្យុះវាយប្រហារកោះ Luzon ។

ក្រុមហ៊ុនអាកាសចរណ៍ លុបចោលជើងហោះហើរក្នុងស្រុករាប់សិបវ៉ុល ភាគច្រើនផ្លូវទៅកាន់កោះ Luzon ខណៈកំពង់ផែផ្អាសេវាកម្មនាវាចម្លង ៕