មន្ទីរពេទ្យក្នុងតំបន់ហ្កាហ្សាបាននិយាយថា ជនជាតិប៉ាឡេស្ទីនជាង៨០ នាក់ត្រូវបានសម្លាប់ដោយការបាញ់ប្រហាររបស់អ៊ីស្រាអែលនៅទូទាំងតំបន់ហ្កាហ្សាស្ទ្រីបកាលពីថ្ងៃពុធសប្ដាហ៍នេះ ភាគច្រើននៃពួកគេនៅក្នុងទីក្រុងហ្កាហ្សា។  

យោងតាមក្រុមអ្នកឆ្លើយតបដំបូង បានឲ្យដឹងថា ស្ត្រី និងកុមារស្ថិត ក្នុងចំណោមមនុស្សយ៉ាងហោចណាស់២០ នាក់ដែលបានស្លាប់នៅពេលការវាយប្រហារទាំងយប់ប៉ះចំអគារមួយ និងតង់ជំរកគ្រួសារដែលរត់ភៀសខ្លួននៅជិតផ្សារ Firas ក្នុងសង្កាត់ Daraj កណ្តាលទីក្រុង ហ្កាហ្សា ។

យោធាអ៊ីស្រាអែល បាននិយាយថា ខ្លួនបានវាយប្រហារយុទ្ធជនហាម៉ាសពីរនាក់ ហើយចំនួនអ្នកស្លាប់មិនស្របនឹងព័ត៌មានរបស់ខ្លួនទេ។ 

ទន្ទឹមនឹងនោះ រថក្រោះ និងកងទ័ពអ៊ីស្រាអែលបានបន្តរុលចូលទៅកណ្តាលទីក្រុង ដែលអ៊ីស្រាអែលនិយាយថា ជាបន្ទាយចុងក្រោយរបស់ក្រុមហាម៉ាស។ 

យោធាបាននិយាយថា ការវាយលុកថ្មើរជើងមានគោលបំណងធានាឱ្យមានការដោះលែងចំណាប់ខ្មាំងដែលនៅតែឃុំខ្លួនដោយក្រុមហាម៉ាស និងធានាឱ្យបានថាក្រុមប្រដាប់អាវុធហាម៉ាសប៉ាឡេស្ទីនត្រូវតែបរាជ័យ៕