ក្រុមមន្រ្តីសហរដ្ឋអាមេរិកបាននិយាយថា ការផ្លាស់ប្តូរភ្លាមៗរបស់លោកប្រធានាធិបតី Donald Trump លើសង្រ្គាមនៅអ៊ុយក្រែនក្នុងសប្តាហ៍នេះបានកើតឡើងស្របពេលមានការខកចិត្តថ្មីចំពោះប្រធានាធិបតីរុស្ស៊ីលោក Vladimir Putin ហើយមានបំណងដាក់សម្ពាធបន្ថែមទៀតលើទីក្រុងមូស្គូដើម្បីមកកាន់តុចរចា ។

រដ្ឋមន្ត្រីការបរទេសអាមេរិក លោក Marco Rubio បានព្រមានកាលពីថ្ងៃអង្គារសប្ដាហ៍នេះ ថា ការអត់ធ្មត់របស់ទីក្រុងវ៉ាស៊ីនតោន ជាមួយរុស្ស៊ី មានដែនកំណត់ ដោយអំពាវនាវឱ្យជំរុញកិច្ចប្រឹងប្រែងសន្តិភាពកាន់តែខ្លាំង ខណៈក៏ផ្ដល់សញ្ញាថា ប្រធានាធិបតីអាមេរិក លោក Donald Trump ត្រៀមខ្លួនជាស្រេចដើម្បីបន្ថែមសម្ពាធកាន់តែខ្លាំងលើសេដ្ឋកិច្ចរុស្ស៊ី ប្រសិនបើការចរចាបរាជ័យ។

ក្រុមមន្ត្រីខាងលើបាននិយាយថា តាមរយៈការប្រកាសជាសាធារណៈ អ៊ុយក្រែនអាចដណ្តើមយកទឹកដីទាំងអស់របស់ខ្លួនមកវិញ ជាជំហរមួយដែលមេដឹកនាំណាតូមួយចំនួនសាទរ យ៉ាងហោចណាស់ដោយគ្មានការផ្លាស់ប្តូរយ៉ាងខ្លាំងនៅក្នុងសមរភូមិ ដោយលោក Trump សង្ឃឹមថានឹងចាប់ផ្តើមដំណើរការនៃការធ្វើឱ្យភាគីទាំងពីរឈានដល់កិច្ចព្រមព្រៀងសន្តិភាព។

ថាតើគោលជំហរថ្មីរបស់លោក Trump ពិតជាមានលទ្ធផលនៅក្នុងជុំថ្មីនៃកិច្ចចរចាយ៉ាងណានោះ នៅតែត្រូវបានគេមើលឃើញ។ ទាំងប្រធានាធិបតី ទាំងក្រុមមន្ត្រីកំពូលៗ ពុំបានបង្ហាញជំហានថ្មីដែលនឹងកើតឡើងពីសហរដ្ឋអាមេរិក ដូចជាការដាក់ទណ្ឌកម្មបន្ថែមលើរុស្ស៊ី ឬជំនួយយោធាថ្មីដ៏ធំសម្រាប់អ៊ុយក្រែន ដែលអាចជួយផ្លាស់ប្តូរគន្លងនៃសង្រ្គាមនោះទេ។

ហើយអនុប្រធានាធិបតីអាមេរិកលោក JD Vance កាលពីថ្ងៃពុធសប្ដាហ៍នេះដែរ បាននិយាយសម្រាលការផ្លាស់ប្ដូរជំហរ នៅក្នុងជំហររបស់លោក Trump ដោយនិយាយថាការអត្ថាធិប្បាយកាលពីថ្ងៃអង្គាររបស់ប្រធានាធិបតី គឺជំនួសឱ្យការទទួលស្គាល់ការពិតនៃស្ថានការណ៍៕