ក្រសួងស្ថានភាពគ្រាអាសន្នរុស្ស៊ី រាយការណ៍ថា នៅថ្ងៃសុក្រនេះ រថភ្លើង និងរថយន្តធំ បានបុកគ្នានៅចំណុចឆ្លងកាត់ផ្លូវរថភ្លើង ស្ថិតក្នុងតំបន់ Smolensk បណ្តាលឲ្យកើតមានអគ្គិភ័យលើរថភ្លើង ។

 ក្រសួងបន្តថា ឧបទ្ទេវហេតុនេះ បានកើតឡើងនៅជិតស្ថានីយ Ryzhikovo ស្ថិតនៅចម្ងាយប្រហែល ១០០គ.មភាគខាងលិចទីក្រុងម៉ូស្គូ ។

 សេវាកម្មសង្រ្គោះបន្ទាន់ រាយការណ៍ថា ទូរថភ្លើងជាច្រើនទូ បានធ្លាក់ផ្លូវ ក្នុងនោះទូរថភ្លើងចំនួន ៨ទូ បានកើតមានអគ្គិភ័យ ហើយក្រុមភ្នាក់ងារពន្លត់អគ្គិភ័យជាង ៤០នាក់ បាននៅកន្លែងកើតហេតុ ដើម្បីព្យាយាមពន្លត់អណ្តាតភ្លើង ។

 សារព័ត៌មានក្នុងស្រុករាយការណ៍ថា អ្នកបើកបររថយន្តធំ បានស្លាប់នៅក្នុងគ្រោះថ្នាក់នេះ ហើយគ្មានគ្រោះថ្នាក់ដល់ស្លាប់ ឬអ្នករងរបួសផ្សេងទៀត ត្រូវបានរាយការណ៍នោះទេ ៕