នាយករដ្ឋមន្ត្រីអ៊ីស្រាអែល លោក Benjamin Netanyahu កាលពីថ្ងៃសុក្រ ត្រូវបានគេមើលឃើញថាមានភាពស្រឡាំងកាំងនៅពេលដែលខណប្រតិភូភាគច្រើនរបស់អង្គការសហប្រជាជាតិបានសម្រុកដើរចេញទោះបីមានការស្នើឲ្យរក្សាសណ្ដាប់ធ្នាប់ក៏ដោយក្នុងអំឡុងពេលសុន្ទរកថារបស់លោកនៅឯមហាសន្និបាតអង្គការសហប្រជាជាតិក្នុងនៅទីក្រុងញូវយ៉ក។ នៅពេលដែលលោកបានប្តេជ្ញាបន្តសង្រ្គាមដ៏មហន្តរាយនៅតំបន់ហ្កាហ្សា លោកត្រូវបានគេសើចចំអក និងទះដៃ។ លោកនិយាយថា អ៊ីស្រាអែល «ត្រូវតែបញ្ចប់ការងារ» ប្រយុទ្ធប្រឆាំងក្រុមហាម៉ាស។

លោក Netanyahu បានព្យាយាមបង្ហាញអំពីភាពត្រឹមត្រូវនៃអំពើប្រល័យពូជសាសន៍របស់ប្រទេសលោកនៅតំបន់ហ្កាហ្សា និងបានរិះគន់សម្ព័ន្ធមិត្តប្រទេសលោកខាងលិចថាជាការរិះគន់សកលជុំវិញសង្គ្រាមរយៈពេលជិតពីរឆ្នាំមកនេះ។

ថ្លែងនៅឯមហាសន្និបាតអង្គការសហប្រជាជាតិក្នុងទីក្រុងញូវយ៉ក មេដឹកនាំអ៊ីស្រាអែលដែលឯកោកាន់តែខ្លាំងឡើងបានរិះគន់ប្រឆាំងនឹង «ការសម្រេចចិត្តដ៏គួរឱ្យអាម៉ាស់» របស់ប្រទេសលោកខាងលិចមួយចំនួនក្នុងរយៈពេលប៉ុន្មានថ្ងៃថ្មីៗនេះក្នុងការទទួលស្គាល់រដ្ឋប៉ាឡេស្ទីន។ លោកនិយាយថា «វានឹងជាសញ្ញានៃភាពអាម៉ាស់សម្រាប់អ្នកទាំងអស់គ្នា»។

«ការសម្រេចចិត្តដ៏អាម៉ាស់របស់អ្នក នឹងជំរុញឱ្យមានអំពើភេរវកម្មប្រឆាំងជនជាតិជ្វីហ្វ និងប្រឆាំងប្រជាជនស្លូតត្រង់នៅគ្រប់ទីកន្លែង»។ លោក Netanyahu ដែលកំពុងប្រឈមនឹងដីកាចាប់ខ្លួនរបស់តុលាការព្រហ្មទណ្ឌអន្តរជាតិ(ICC) ពីបទឧក្រិដ្ឋកម្មសង្រ្គាមនៅតំបន់ហ្កាហ្សា បានថ្លែងសុន្ទរកថារបស់លោកទៅកាន់មនុស្សជាច្រើនដែលស្រងាកចិត្ត ដោយសារតែគណៈប្រតិភូជាច្រើនរូបបានចាកចេញពីសាលមហាសន្និបាតក្នុងការតវ៉ា នៅពេលលោកធ្វើដំណើរទៅកាន់វេទិកា។