ភ្នំពេញ ៖ ម្ចាស់អាជីវកម្មខ្នាតតូច បានប្រើប្រាស់បច្ចេកវិទ្យា contactless ងាយស្រួលទូទាត់សាច់ប្រាក់ សម្រាប់អ្នកធ្វើអាជីវកម្មខ្នាតតូច ដើម្បីរក្សាអាជីវកម្មរបស់ពួកគេឱ្យអាចបន្តសកម្មភាពទៅមុខបាន គ្រាន់ប្រើប្រាស់ការទូទាត់តាមរយៈទូរស័ព្ទដៃ ឬប្រើបច្ចេកវិទ្យាយកកាតទៅប៉ះដើម្បីទូទាត់ប្រាក់ Tap to Phone សម្រាប់ការទូទាត់ការដឹកជញ្ជូនដល់គេហដ្ឋាន ( ប្រមាណ២០%)ក្នុងព្រឹត្តិការសហគមន៍ ២០កុម្ភៈ ។

អ្នកស្រី ជុំ ម៉ូនីកា នាយិកាគ្រប់គ្រងក្រុមហ៊ុន Visa ប្រចាំប្រទេសកម្ពុជា បានបញ្ជាក់ថា សម្រាប់ Visa យើងផ្តោតលើការគាំទ្រដល់អាជីវកម្មខ្នាតតូចធ្វើយ៉ាងណាឱ្យពួកគេអាចត្រឡប់មកប្រកបរបរអាជីវកម្មរបស់ខ្លួនឡើងវិញដោយជោគជ័យ ពីព្រោះថាពួកគេជាចលករសំខាន់ក្នុងការជម្រុញដល់ការស្តារឡើងវិញនៃកំណើនសេដ្ឋកិច្ច។ 

អ្នកស្រី ជុំ ម៉ូនីកា បានបន្ថែមថា យើងធ្វើការប្តេជ្ញាចិត្តថានឹង គាំទ្រដល់អាជីវកម្មខ្នាតតូចចំនួន១០លានកន្លែងនៅទូទាំងតំបន់អាស៊ីប៉ាស៊ីហ្វិក បន្ទាប់ពីមានការរីករាលដាលនៃជំងឺរាតត្បាតជំងឺកូវីដ-១៩ ហើយយើងក៏បានដាក់ចេញនូវយុទ្ធនាការ Practical Business Skills ដែលជាកម្មវិធីប្រមូលផ្ដុំ នូវមធ្យោបាយនិងដំណោះស្រាយសម្រាប់ការគ្រប់គ្រងអាជីវកម្ម ក៏ដូចជាការពង្រីកអាជីវកម្មខ្នាតតូច ដើម្បីជួយពួកគេឱ្យមានការរីកលូតលាស់នៅក្នុងវិស័យសេដ្ឋកិច្ចឌីជីថ ។

ក្រុមហ៊ុន Visa ប្តេជ្ញាចិត្តនឹងបន្តធ្វើការជាមួយអាជីវកម្មខ្នាតតូច ក្នុងការផ្សារភ្ជាប់ពួកគេទៅនឹងបណ្តាញសកលរបស់ Visa ព្រមទាំងបន្តជួយគាំទ្រពួកគេ បន្ថែមពីលើតួនាទីជាប្រតិបត្តិករទូទាត់ ដើម្បីធានាថាពួកគេអាចជោគជ័យនៅក្នុងកំណើនសេដ្ឋកិច្ចឌីជីថល ក្នុងបរិបទកូវីដ-១៩ ។

សូមបញ្ជាក់ថា ៖ សន្ទុះនៃការអភិវឌ្ឍអាជីវកម្មឲ្យទៅជាពាណិជ្ជកម្មឌីជីថល ធ្វើឲ្យអតិថិជនជាច្រើន មិនថាជាអ្នកជំនាន់ថ្មី ឬជំនាន់ចាស់នោះទេ បានងាកមកជ្រើសរើសវិធីសាស្រ្តថ្មីៗក្នុងការទិញទំនិញតាមពាណិជ្ជកម្មអេឡិចត្រូនិច eCommerce ការទូទាត់ដោយមិនមានការប្រាស្រ័យទាក់ទងដោយផ្ទាល់ ដូចជាប្រើ  បច្ចេកវិទ្យា contactless និងវិធីសាស្រ្តផ្សេងៗទៀត សម្រាប់តម្រូវការប្រចាំថ្ងៃក្នុងការទិញម្ហូបអាហារ និងគ្រឿងទេសជាដើម។

អត្តបទ ៖ គង់ រ៉េន