អ៊ុយក្រែន៖ ទាហានអ៊ុយក្រែននៅជួរមុខក្នុងតំបន់ Luhansk បានប្រាប់សារព័ត៌មាន AP ថា ពួកគេជឿថា ប្រទេសរុស្ស៊ីកំពុងរង់ចាំពេលវេលាសមស្របណាមួយ ដើម្បីវាយប្រហារ។
លោក Zakhar Leshchyshyn ជាទាហានអ៊ុយក្រែនដែលកំពុងបំពេញតួនាទី នៅជិតខ្សែត្រៀមជួរមុខទប់ទល់នឹងក្រុមឧទ្ទាមបំបែកខ្លួនគាំទ្ររុស្ស៊ីបាននិយាយថា មូលហេតុមួយក្នុងចំណោមជាច្រើនពីមូលហេតុដែលលោកប្រធានាធិបតីរុស្ស៊ី Vladimir Putin មិនទាន់ធ្វើសកម្មភាពគឺដោយសារតែស្ថានភាពអាកាសធាតុនាពេលថ្មីៗនេះ។ វាមានការលំបាកសម្រាប់ការធ្វើដំ់ណើររបស់រថយន្ត និងថ្មើរជើង។ ម្យ៉ាងវិញទៀត តាមគំនិតរបស់កងទ័ពនោះមិនមែនជាពេលវេលាសមស្រប សម្រាប់ការវាយប្រហារនោះទេ។ ទាហានម្នាក់ទៀតគឺលោក Nazar, បាននិយាយថា សកម្មភាពបង្កហេតុនានាពីភាគីប្រទេសរុស្ស៊ីគឺជាការពិត ពិសេសអំឡុងរដូវរងា។
ប្រទេសរុស្ស៊ីបាននិយាយថា ខ្លួនគ្មានបំណងឈ្លានពានឡើយ ប៉ុន្តែប្រទេសលោកខាងលិចភាគច្រើនបានជឿថា រុស្សីអាចនឹងវាយប្រហារលើអ៊ុយក្រេន។ ចំណែកសមាជិកចលនាស្ដាំនិយមរបស់អ៊ុយក្រែនដែលមានឈ្មោះថា Azov បានចូលរួមជាមួយឆ្មាំជាតិធ្វើការហ្វឹកហាត់សម្រាប់ក្រុមអ្នកស្ម័គ្រចិត្ត នៅក្នុងទីក្រុងគៀវកាលពីថ្ងៃអាទិត្យដើម្បីបង្រៀនពួកគេឲ្យចេះកាន់អាវុធ និងចេះការពារខ្លួនក្នុងករណីមានការវាយប្រហារពីរុស្ស៊ី។ ការហ្វឹកហាត់ដែលមានឈ្មោះថា កុំស្លន់ស្លោ និងត្រៀមខ្លួន ត្រូវបានធ្វើឡើងនៅតំបន់ជាយក្រុងគៀវ ជាទីដែលមានអ្នកស្ម័គ្រចិត្តរាប់រយនាក់បានចូលរួម៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
