ក្រុមអាជ្ញាធរសុខាភិបាលក្នុងតំបន់បាននិយាយកាលពីថ្ងៃសៅរ៍ថា ការផ្ទុះឡើងនៃជំងឺ Ebola ដែលកំពុងបន្តនៅក្នុងខេត្ត Kasai នៃសាធារណរដ្ឋប្រជាធិបតេយ្យកុងហ្គោកភាគកណ្ដាល (DRC) បានសម្លាប់មនុស្សចំនួន ៤២នាក់ក្នុងចំណោម ៦៤ ករណីដែលត្រូវបានកត់ត្រា ខណៈអង្គការសហប្រជាជាតិ បានអំពាវនាវឱ្យមានការទប់ស្កាត់ជាសកល។

លោក Bazin Pembe រដ្ឋមន្ត្រីក្រសួងទំនាក់ទំនង និងប្រព័ន្ធផ្សព្វផ្សាយខេត្ត បាននិយាយថា ក្នុងចំណោមករណីចំនួន ៦៤ ដែលបានចុះបញ្ជីនៅថ្ងៃទី ២៦ ខែកញ្ញា រួមមាន ៥៣ ករណីដែលត្រូវបានបញ្ជាក់ និង ១១ករណីអាចផ្ទុកជំងឺនេះ ហើយអ្នកស្លាប់ចំនួន ៤២ នាក់ត្រូវបានរាយការណ៍។

ការផ្ទុះឡើងនេះត្រូវបានប្រកាសនៅថ្ងៃទី ៤ ខែកញ្ញាដោយរដ្ឋាភិបាលកុងហ្គោ ដែលជាការផ្ទុះឡើងនៃជំងឺ Ebola លើកទី ១៦ នៅក្នុងប្រទេសនេះ ចាប់តាំងពីមេរោគត្រូវបានរកឃើញជាលើកដំបូងក្នុងឆ្នាំ ១៩៧៦។

អង្គការមូលនិធិកុមាររបស់អង្គការសហប្រជាជាតិ (UNICEF) បាននិយាយថា ខេត្ត Kasai គឺជាតំបន់ផុយស្រួយបំផុតរបស់ប្រទេស ដែលប្រឈមនឹងប្រព័ន្ធសុខភាពខ្សោយ លទ្ធភាពទទួលបានទឹកស្អាត មានកម្រិត កង្វះថ្នាំពេទ្យ និងអនាម័យមិនល្អ៕