អនុប្រធានាធិបតីអាមេរិកលោក JD Vance បានបញ្ជាក់កាលពីថ្ងៃទី២៨ ខែកញ្ញាថា សហរដ្ឋអាមេរិកកំពុងសម្លឹងមើលការផ្តល់ឲ្យទីក្រុង Kiev នូវមីស៊ីល Tomahawk ខណៈទីក្រុងមូស្គូនៅតែបន្តបដិសេធការចរចាសន្តិភាពទ្វេភាគី និងត្រីភាគីដែលសម្របសម្រួលដោយប្រធានាធិបតី លោក Donald Trump ។

លោក Vance បានប្រាប់ទូរទស្សន៍ Fox News នៅក្នុងបទសម្ភាសន៍មួយថា អ្នកបានសួរសំណួរនេះអំពីមីស៊ីល Tomahawks ។ វាជាអ្វីមួយដែលប្រធានាធិបតីនឹងធ្វើការប្តេជ្ញាចិត្តចុងក្រោយ។ អ្វីដែលប្រធានាធិបតីនឹងធ្វើ គឺជាអ្វីដែលជាផលប្រយោជន៍ល្អបំផុតសម្រាប់សហរដ្ឋអាមេរិក។

សារព័ត៌មាន Telegraph បានរាយការណ៍កាលពីថ្ងៃទី ២៦ ខែកញ្ញាថា លោកប្រធានាធិបតី Volodymyr Zelensky បានស្នើសុំឱ្យលោក Trump ផ្គត់ផ្គង់ទីក្រុង Kyiv នូវមីស៊ីលរយៈចម្ងាយឆ្ងាយ Tomahawk ក្នុងអំឡុងពេលកិច្ចប្រជុំជាមួយប្រធានាធិបតីសហរដ្ឋអាមេរិក នៅខាងក្រៅមហាសន្និបាតអង្គការសហប្រជាជាតិ។

អ៊ុយក្រែនបានអំពាវនាវម្តងហើយម្តងទៀតទៅកាន់ទីក្រុងវ៉ាស៊ីនតោនសម្រាប់សមត្ថភាពវាយប្រហាររយៈចម្ងាយឆ្ងាយពេញមួយសង្រ្គាម ប៉ុន្តែរហូតមកដល់ពេលនេះសហរដ្ឋអាមេរិកបានបដិសេធមិនផ្តល់អាវុធបែបនេះទេ៕