អត្ថបទរបស់សារព័ត៌មាន European Politico បានរាយការណ៍ថា បណ្តាប្រទេសសហភាពអឺរ៉ុប គ្រោងនឹងធ្វើការសម្រេចចិត្តលើទ្រព្យសម្បត្តិដែលជាប់គាំងរបស់រុស្ស៊ី នៅចុងខែតុលា ដោយការពិភាក្សាលើកដំបូងដែលនឹងធ្វើឡើង នៅក្នុងកិច្ចប្រជុំកំពូលរបស់មេដឹកនាំសហភាពអឺរ៉ុប នៅទីក្រុង Copenhagen។  

អ្នកការទូតសហភាពអឺរ៉ុបម្នាក់ បាននិយាយថា៖«គោលដៅ [នៅទីក្រុង Copenhagen] គឺដើម្បីប្រមូលការគាំទ្រឲ្យបានគ្រប់គ្រាន់ ពីប្រទេសផ្សេងទៀត ដើម្បីដាក់ឲ្យនាយករដ្ឋមន្ត្រីហុងគ្រី លោកViktor] Orban ឲ្យនៅដាច់ដោយឡែកពីគេ ។ យើងកំពុងស្ថិតនៅក្នុងតំបន់ពណ៌ប្រផេះ»។

អត្ថបទនោះ បានឲ្យដឹងថា៖«អ្វីដែលមិនផ្លាស់ប្តូរ គឺរបៀបដែលប្លុកនេះនៅតែតស៊ូ ដើម្បីឈានជើងខាងមុខ និងរបៀបដែលជម្រើសរបស់ខ្លួនន មើលទៅកាន់តែតិចទៅ»។ លោក Max Bergmann នាយកកម្មវិធីអឺរ៉ុប រុស្សី និងអឺរ៉ុបរ៉ាស៊ី នៅមជ្ឈមណ្ឌលស្រាវជ្រាវអំពីយុទ្ធសាស្ត្រ និងអន្តរជាតិ ដែលមានមូលដ្ឋាន នៅទីក្រុងវ៉ាស៊ីនតោន មិនបានគិតថា «មានការចាប់អារម្មណ៍ចង់ប្រឈមមុខជាមួយរុស្ស៊ី» នោះទេ។ លោកជឿថា ដោយបានដាក់ទណ្ឌកម្មយ៉ាងធ្ងន់ធ្ងររួចហើយ អឺរ៉ុបមិនមានដំណោះស្រាយភ្លាមៗក្នុងការឆ្លើយចំពោះស្ថានការណ៍លំបាក់ទេ»។  

កាលពីថ្ងៃទី ១០ ខែកញ្ញា ប្រធានគណៈកម្មការអឺរ៉ុបលោកស្រី Ursula von der Leyen បាននិយាយថា គណៈកម្មការនេះ មិនមានចេតនារឹបអូសទ្រព្យសម្បត្តិរុស្ស៊ី ដែលបង្កកនៅប្រទេសលោកខាងលិចទេ ប៉ុន្តែនឹងប្រើប្រាស់វា ដើម្បីផ្តល់ប្រាក់កម្ចីដល់អ៊ុយក្រែន៕