សារព័ត៌មាន ThePrint បានរាយការណ៍ដោយដកស្រង់ប្រភពរដ្ឋាភិបាលរបស់ប្រទេសឥណ្ឌាថា ប្រទេសនេះ កំពុងពិចារណាពីការបង្កើនសមត្ថភាពការពារដែនអាកាសរបស់ខ្លួន ដោយទិញប្រព័ន្ធមីស៊ីលបាញ់ដីទៅលើអាកាស S-400 Triumf ផលិតដោយរុស្ស៊ីបន្ថែម ឬប្រព័ន្ធបាញ់មីស៊ីល S-500 Prometei ជំនាន់ក្រោយ។  

តម្រូវការសម្រាប់ប្រព័ន្ធការពារដែនអាកាស S-400 ដែលផលិតដោយរុស្ស៊ីបន្ថែមទៀត អាចត្រូវបានគាំទ្រ ដោយប្រសិទ្ធភាពខ្ពស់របស់ពួកវា ដែលពួកគេបានបង្ហាញក្នុងអំឡុងពេលប្រតិបត្តិការ Sindoor ប្រឆាំងនឹងគោលដៅភេរវករ នៅក្នុងប្រទេសប៉ាគីស្ថាន ក្នុងខែឧសភា ឆ្នាំនេះ។ ប្រភពបាននិយាយថា ប្រទេសឥណ្ឌា ក៏មានគម្រោងទិញប្រព័ន្ធមីស៊ីលបាញ់ពីដីទៅលើអាកាស S-500 ចុងក្រោយបង្អស់របស់រុស្ស៊ីផងដែរ។

ប្រភពមួយបាននិយាយថា៖«S-400 ដំណើរការបានយ៉ាងល្អ នៅក្នុងប្រតិបត្តិការ Sindoor ហើយមានសមត្ថភាពទប់ស្កាត់ និងបង្កហន្តរាយយ៉ាងធំធេង។ ដូច្នេះហើយ ទើបយើងកំពុងសម្លឹងមើលការទិញ ប្រព័ន្ធការពារដែនអាកាស S-400 បន្ថែម ឬ S-500៕