រដ្ឋមន្រ្តីក្រសួងមហាផ្ទៃបង់ក្លាដែសលោក Jahangir Alam Chowdhury និយាយនៅថ្ងៃចន្ទនេះថា អាវុធពីក្រៅប្រទេស បង្កឲ្យមានអំពើហិង្សានៅតំបន់ព្រំដែនភាគអាគ្នេយ៍ជាប់ប្រទេសឥណ្ឌា ដែលបណ្តាលឲ្យមនុស្ស ៣នាក់ បាត់បង់អាយុជីវិត ។

ការប៉ះទង្គិចគ្នាបានផ្ទុះឡើងនៅតាមផ្លូវភ្នំ Chittagong កាលពីថ្ងៃអាទិត្យ ពេលដែលកងកម្លាំងសន្តិសុខបញ្ឈប់ក្រុមបាតុករខឹងសម្បារចំពោះករណីចាប់រំលោភសេពសន្ថវៈលើស្រ្តីម្នាក់កាលពីពេលកន្លងទៅ ហើយមនុស្ស ៣នាក់ ត្រូវបានសម្លាប់ ។

តំបន់មួយនេះ បានក្លាយជាចំណុចក្តៅរវាងសហគមន៍ជនជាតិភាគតិច និងពលរដ្ឋនិយាយភាសាបង់ក្លាដែស ក្នុងនោះការប៉ះទង្គិចគ្នា បានផ្ទុះឡើងជុំវិញបញ្ហាដីធ្លី និងធនធាន ។

កងទ័ពបានដាក់ការស្តីបន្ទោសលើកក្រុមឧទ្ទាម ខណៈក្រុមបាតុករ បានចោទប្រកាន់ទាហានថាជាអ្នកបើកការបាញ់ប្រហារ ។ 

គួរឲ្យដឹងថា បង់ក្លាដែស បានស្ថិតក្នុងភាពចលាចលនយោបាយ ចាប់តាំងពីបាតុកម្មដឹកនាំដោយក្រុមនិស្សិត បង្ខំឲ្យអតីតនាយករដ្ឋមន្រ្តីលោកស្រី Sheikh Hasina រត់ភៀសខ្លួនទៅកាន់ប្រទេសសម្ព័ន្ធមិត្តចាស់ឥណ្ឌាកាលពីឆ្នាំមុន ៕