រដ្ឋាភិបាលរបស់ប្រទេសសំប៊ី បានឲ្យដឹងថា ប្រទេសចិន ហ្សំប៊ី និងតង់សានី នៅថ្ងៃចន្ទ (ទី២៩ ខែកញ្ញា) នេះ បានចុះហត្ថលេខាលើកិច្ចព្រមព្រៀងតម្លៃ ១,៤ពាន់លានដុល្លារ ដើម្បីជួសជុលកែលម្អឡើងវិញនូវផ្លូវដែកតង់សានី-សំប៊ី ដែលជាផ្លូវដ៏សំខាន់ សម្រាប់ដឹកជញ្ជូននាំចេញទង់ដែងពីតំបន់។

កិច្ចព្រមព្រៀងនេះមានគោលបំណងស្តារផ្លូវដែកឡើងវិញ ហើយទិញក្បាលរថភ្លើង ទូដឹកអ្នកដំណើរ និងទូដឹកទំនិញ។

គួរបញ្ជាក់ថា កាលពីឆ្នាំមុន ប្រទេសចិនបានចុះហត្ថលេខាលើកិច្ចព្រមព្រៀងដំបូងមួយ ដើម្បីស្តារឡើងវិញនូវផ្លូវដែក TAZARA ដែលមានអាយុកាល ៥០ឆ្នាំ ខណៈដែលគេបានដឹងយ៉ាងទូលំទូលាយថា ក្នុងពេលជាមួយគ្នា សហរដ្ឋអាមេរិក កំពុងធ្វើការវិនិយោគច្រករបៀងដឹកជញ្ជូនរ៉ែដែលគេហៅថា Lobito តាមឈ្មោះកំពង់ផែរបស់អង់ហ្គោឡា។

TAZARA ផ្តល់នូវផ្លូវមួយ ដើម្បីជៀសផុតពីការស្ទះផ្នែកដឹកជញ្ជូន នៅអាហ្វ្រិកខាងត្បូង ដែលបានធ្វើឲ្យការនាំចេញទង់ដែង និងកូប័លយឺត៕