សេវាសារព័ត៌មានរបស់សេតវិមាន បាននិយាយថា ក្នុងអំឡុងពេលសន្ទនាតាមទូរស័ព្ទជាមួយប្រធានាធិបតីអាមេរិកលោក ដូណាល់ ត្រាំ (Donald Trump) នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) និងសមភាគីកាតារបស់លោក គឺលោក Mohammed bin Abdulrahman Al Thani បានទទួលយកសំណើរបស់មេដឹកនាំសហរដ្ឋអាមេរិក ដើម្បីបង្កើតយន្តការត្រីភាគីសម្រាប់ការសម្របសម្រួល និងដោះស្រាយជម្លោះ។

សេតវិមានបាននិយាយនៅក្នុងសេចក្តីថ្លែងការណ៍មួយថា៖«មេដឹកនាំទំាងអស់ បានទទួលយកសំណើរបស់ប្រធានាធិបតីក្នុងការបង្កើតយន្តការត្រីភាគី ដើម្បីបង្កើនការសម្របសម្រួល កែលម្អទំនាក់ទំនង ដោះស្រាយសេចក្តីទុក្ខព្រួយទៅវិញទៅមក និងពង្រឹងកិច្ចខិតខំប្រឹងប្រែងរួមគ្នា ដើម្បីទប់ស្កាត់គំរាមកំហែង។ពួកគេបានគូសបញ្ជាក់ពីការប្តេជ្ញាចិត្តរួមគ្នារបស់ពួកគេ ក្នុងការធ្វើការរួមគ្នាប្រកបដោយការស្ថាបនា និងជម្រះការយល់ច្រឡំ ខណៈពេលដែលការកសាងទំនាក់ទំនងដ៏យូរអង្វែង ដែលប្រទេសទាំងពីរ មានជាមួយសហរដ្ឋអាមេរិក។

សេចក្តីថ្លែងការណ៍ក៏បញ្ជាក់ផងដែរថា លោក ណេតាន់យ៉ាហ៊ូ (Netanyahu) បានសុំការអភ័យទោស ចំពោះការរំលោភលើអធិបតេយ្យភាពរបស់កាតា ដោយវាយប្រហារលើមេដឹកនាំចលនាសកម្មប្រយុទ្ធឡេស្ទីនហាម៉ាស នៅទីក្រុងដូហា កាលពីថ្ងៃទី ០៩ ខែកញ្ញា ហើយបានសម្តែងការសោកស្តាយចំពោះការស្លាប់របស់ មន្ត្រីសន្តិសុខកាតាដែលបណ្តាលមកពីការវាយប្រហារ។ លោកបានធានាថា ក្រៅពីឧប្បត្តិហេតុបែបនេះ នឹងមិនមានអ្វីកើតឡើងទៀតទេ។

កាលពីថ្ងៃទី ០៩ ខែកញ្ញា អ៊ីស្រាអែលបានកំណត់គោលដៅលើមន្ត្រីជាន់ខ្ពស់របស់ក្រុមហាម៉ាស នៅទីក្រុងដូហា។ ចលនាប៉ាឡេស្ទីននេះ បាននិយាយថា មនុស្ស ៦នាក់ ត្រូវបានសម្លាប់ ក្នុងនោះមានកូនប្រុសរបស់លោក Khalil al-Hayya មេដឹកនាំនៅតំបន់ហ្កាហ្សាស្ទ្រីប និងមន្ត្រីសន្តិសុខកាតាម្នាក់ផងដែរ។ របាយការណ៍អំពីការស្លាប់របស់សមាជិកជាន់ខ្ពស់ហាម៉ាស ៥នាក់ មិនត្រូវបានគេបញ្ជាក់ទេ រហូតមកដល់ពេលនេះ៕