អ្នកនាំពាក្យក្រសួងសាធារណការ និងដឹកជញ្ជូន ឯកឧត្តម ផន រឹម បានឲ្យដឹងថា ដោយ​សារ​ភ្លៀង​ធ្លាក់​ខ្លាំង​ជាប់​ៗ​គ្នាប៉ុ​ន្មានថ្ងៃនេះ បណ្តាលឲ្យទឹកហូរបុកច្រោះដាច់តួផ្លូវ កំណាត់ផ្លូវជាតិលេខ៥៥ នៅPK 152+850- PK 152+900 ប្រវែង៥០ម៉ែត្រ ទទឹងជាង១ម៉ែត្រ (នៅសល់ជាង​១​ម៉ែត្រ​ទៀត​ដល់​ចិញ្ចើម​ផ្លូវ​) និងហូរបាក់ដីគ្របលើលូតាមបណ្តោយផ្លូវថ្នល់ នៅត្រង់ចំណុចផ្លូវអន្ទង់អាំង ភ្នំ១៥០០ ស្រុក​វាលវែង ខេត្តពោធិ៍សាត់។

យ៉ាងណាក៏ដោយអ្នកនាំពាក្យរូបនេះបានបញ្ជាក់ថា ក្រុមការងារនាយកដ្ឋានជួសជុល ថែទាំផ្លូវថ្នល់ នៃ​អគ្គ​នាយកដ្ឋានសាធារណការ នៃក្រសួងសាធារណការ និងដឹកជញ្ជូន កំពុងកាយរើ ដុំថ្ម ធ្លាក់ បិទ​ប្រពន្ធ​បណ្តាញ​លូ​បណ្តោយថ្នល់ ដាក់ផ្លាកសញ្ញាផ្តល់ព័ត៌មានដល់អ្នកបើកបរឲ្យមានការប្រុងប្រយ័ត្ន៕