សហរដ្ឋអាមេរិកបានខិតជិតទៅរកការបិទរដ្ឋាភិបាលកាលពីថ្ងៃអង្គារ ៣០ កញ្ញា ខណៈការបោះឆ្នោតដើម្បីបន្តផ្តល់មូលនិធិដែលបានផុតកំណត់ពាក់កណ្តាលអធ្រាត្រ បានបរាជ័យក្នុងព្រឹទ្ធសភាអាមេរិក ហើយលោកប្រធានាធិបតី Donald Trump បានគំរាមបន្តការបោសសម្អាតកម្លាំងពលកម្មសហព័ន្ធ។

ការបោះឆ្នោតសំឡេង ៥៥ ទល់នឹង៤៥នៅក្នុងព្រឹទ្ធសភា មានតិចជាង៦០ សំឡេងដែលត្រូវការដើម្បីជំរុញច្បាប់នេះ ប៉ុន្តែបានធានាថាភ្នាក់ងាររដ្ឋាភិបាលអាមេរិកនឹងត្រូវបញ្ឈប់សកម្មភាពទាំងអស់ ទោះយ៉ាងណាសកម្មភាពចាំបាច់ ដូចជាការអនុវត្តច្បាប់ ដែលចាប់ផ្តើមពីថ្ងៃពុធសប្ដាហ៍នេះ អាចរំខានដល់អ្វីៗគ្រប់យ៉ាងចាប់ពីការធ្វើដំណើរតាមអាកាស ទៅដល់របាយការណ៍ការងារប្រចាំខែ។

ដំណោះស្រាយនៅនាទីចុងក្រោយ ហាក់ដូចជាមិនអាចទៅរួចនោះទេ ព្រោះថា គណបក្សសាធារណរដ្ឋ និងគណបក្សប្រជាធិបតេយ្យ ពុំបានបង្ហាញពីសញ្ញាណាមួយដែលថាពួកគេអាចផ្សះផ្សាការបែកបាក់របស់ពួកគេបានទេ។ កិច្ចព្រមព្រៀងណាមួយក៏នឹងត្រូវអនុម័តដោយសភាតំណាងរាស្រ្តគ្រប់គ្រងដោយគណបក្សសាធារណរដ្ឋ ដែលមិននៅក្នុងសម័យប្រជុំនោះ ។

លោក John Thune ប្រធានព្រឹទ្ធសភានៃសាធារណរដ្ឋបាននិយាយថា សភានឹងបោះឆ្នោតម្តងទៀតលើវិធានការអនុម័តដោយសភានៅថ្ងៃពុធសប្ដាហ៍នេះ។

ការប្រឈមនឹងកញ្ចប់ថវិការបស់សហរដ្ឋអាមេរិកបានក្លាយជាទម្លាប់ខណៈនយោបាយរបស់ប្រទេសនេះមានភាពមិនប្រក្រតីកាន់តែខ្លាំង។ នៅពេលនេះ គណបក្សប្រជាធិបតេយ្យបានទទូចថា សេចក្ដីស្នើច្បាប់ចំណាយណាមួយត្រូវតែរួមបញ្ចូលការឧបត្ថម្ភធនផ្នែកថែទាំសុខភាពបន្ថែម ខណៈគណបក្សសាធារណរដ្ឋបានទទូចថាបញ្ហាទាំងពីរគួរតែត្រូវបានដោះស្រាយដោយឡែកពីគ្នា៕