អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកយកព័ត៌មានថា រុស្ស៊ីរក្សាទំនាក់ទំនងជាមួយគ្រប់ភាគីនៃជម្លោះមជ្ឈិមបូព៌ា ដោយត្រៀមខ្លួនជាស្រេច ដើម្បីរួមចំណែកដល់ការដោះស្រាយដោយសន្តិវិធី ប្រសិនបើចាំបាច់។ 

នៅពេលសួរថាតើទីក្រុងមូស្គូចូលរួម នៅក្នុងផែនការសន្តិភាពរបស់ប្រធានាធិបតីអាមេរិកលោក Donald Trump ស្តីពីដំណោះស្រាយមជ្ឈិមបូព៌ាដែរឬទេ លោកបាននិយាយថា៖«យើងរក្សាទំនាក់ទំនងរបស់យើងជាមួយគ្រប់ភាគីជម្លោះ នៅមជ្ឈិមបូព៌ា ហើយជាការពិតណាស់ រុស្ស៊ីនៅតែត្រៀមខ្លួនជាស្រេច ក្នុងកិច្ច ខិតខំប្រឹងប្រែងនេះ ប្រសិនបើចាំបាច់ ដើម្បីរួមចំណែកដល់ការដោះស្រាយនេះ»។ 

សារព័ត៌មានអង់គ្លេស Financial Times (FT) បានរាយការណ៍ដោយដកស្រង់ប្រភពថា លោក Trump បានគូសបញ្ជាក់ពីផែនការថ្មី ដើម្បីដោះស្រាយជម្លោះនៅតំបន់ហ្កាហ្សាស្ទ្រីប នៅក្នុងកិច្ចប្រជុំជាមួយមេដឹកនាំអារ៉ាប់ និងមូស្លីម នៅខាងក្រៅសម័យប្រជុំមហាសន្និបាតអង្គការសហប្រជាជាតិនៅទីក្រុងញូវយ៉ក។ ធាតុសន្តិសុខសំខាន់នៃផែនការនេះ គឺគំនិតនៃការបញ្ជូនកងយោធានៃកងទ័ពអារ៉ាប់ និងទាហានមូស្លីមទៅកាន់តំបន់ហ្គាឋហ្សា ដើម្បីធ្វើឲ្យដែនដីនេះមានស្ថិរភាព បន្ទាប់ពីជម្លោះបានបញ្ចប់។ ជាងនេះទៅទៀត សំណើរបស់អាមេរិករួមបញ្ចូលឃ្លាមួយស្តីពីការដោះលែងជាបន្ទាន់នូវចំណាប់ថ្នូរ ទាំងអស់ដែលត្រូវបានឃុំខ្លួនដោយចលនាសកម្មប្រយុទ្ធប៉ាឡេស្ទីនហាម៉ាស៕