លោក Sergey Melik-Bagdasarov ឯកអគ្គរដ្ឋទូតរបស់ទីក្រុងមូស្គូប្រចាំនៅទីក្រុងការ៉ាកាស បានប្រាប់ទីភ្នាក់សារព័ត៌មាន TASSថា សភារបស់ប្រទេសវ៉េណេហ្ស៊ុយអេឡា បានផ្តល់សច្ចាប័នលើកិច្ចព្រមព្រៀងស្តីពីភាពជាដៃគូយុទ្ធសាស្ត្រ និងកិច្ចសហប្រតិបត្តិការជាមួយរុស្ស៊ី 

អ្នកការទូតរូបនេះ បានចង្អុលបង្ហាញថា៖«វាជាកិត្តិយស និងសេចក្តីរីករាយពិសេសសម្រាប់ខ្ញុំ ដែលមានវត្តមាននៅថ្ងៃនេះ នៅក្នុងកិច្ចប្រជុំនៃរដ្ឋសភារបស់ប្រទេសវ៉េណេហ្ស៊ុយអេឡា ដែលជាកន្លែងដែលកិច្ចព្រមព្រៀងស្តីពីភាពជាដៃគូយុទ្ធសាស្ត្រ និងកិច្ចសហប្រតិបត្តិការជាមួយរុស្ស៊ី ដែលបានចុះហត្ថលេខានៅទីក្រុងមូស្គូកាលពីថ្ងៃទី ០៧ ខែឧសភា ត្រូវបានផ្តល់សច្ចាប័នដោយការបោះឆ្នោតសំឡេងភាគច្រើន»។ យោងតាមលោកបានឲ្យដឹងថា ឯកសារកំណត់សំខាន់ៗនៃទំនាក់ទំនងរយៈពេលវែងរបស់យើង និងបើកដំណាក់កាលថ្មីមួយ នៅក្នុងកិច្ចសហប្រតិបត្តិការរុស្ស៊ី-វ៉េណេហ្ស៊ុយអេឡា ដែលនឹងក្លាយជាការរួមចំណែកដ៏សំខាន់ ក្នុងការពង្រឹងសន្តិភាព សន្តិសុខ និងការអភិវឌ្ឍប្រកបដោយចីរភាព ក៏ដូចជាក្នុងការបង្រួបបង្រួមសណ្តាប់ធ្នាប់ពិភពលោកឯកតោភាគីពិតប្រាកដមួយ»៕