​

វិមានក្រឹមឡាំង នៅថ្ងៃពុធ (ទី១ ខែតុលា) នេះ បានដាស់តឿនបណ្ដាមេដឹកនាំអឺរ៉ុបថា រុស្ស៊ីនឹងអនុវត្តតាមបុគ្គល ឬប្រទេសណាដែលលួចប្រាប់របស់ខ្លួន ហើយបានព្រមានថា ទង្វើល្មួចទ្រព្យសម្បត្តិរបស់រុស្ស៊ីនេះ នឹងផ្ដល់ផលប៉ះពាល់យ៉ាងធ្ងន់ធ្ងរដល់ស្ថាប័នដាក់ប្រាក់បញ្ញើ និងការវិនិយោគរបស់អឺរ៉ុប។

សហភាពអឺរ៉ុប (EU) កំពុងពិចារណាលើសំណើប្រើប្រាស់ទ្រព្យសម្បត្តិរបស់រុស្ស៊ីដែលត្រូវបានបង្កនៅអឺរ៉ុប ដើម្បីផ្តល់ជាប្រាក់កម្ចីចំនួន ១៤០ពាន់លានអឺរ៉ូ (១៦៤,៣៧ពាន់លានដុល្លារ) ដល់អ៊ុយក្រែន។

មានការផ្អឹបទុកទ្រព្យសកម្មរបស់រុស្ស៊ីប្រមាណជា ៣០០ពាន់លានដុល្លារ ដោយ ២១០ពាន់លានអឺរ៉ូកាន់កាប់នៅអឺរ៉ុប ដែលក្នុងនោះ ១៨៥ពាន់លានអឺរ៉ូ ទុកនៅក្នុង Euroclear ជាកន្លែងដាក់បញ្ញើមូលបត្រកណ្តាលដែលមានមូលដ្ឋាននៅទីក្រុងប៊្រុចសែល ខណៈដែលប្រហែល ១៧៦ពាន់លានអឺរ៉ូនៃទឹកប្រាក់នោះ បានក្លាយជាសាច់ប្រាក់ នៅពេលដែលមូលបត្រឈានដល់រយៈពេលកំណត់របស់វា។

អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកសារព័ត៌មានថា៖ «យើងកំពុងនិយាយអំពីផែនការរឹបអូសយកទ្រព្យសម្បត្តិរុស្ស៊ីដោយខុសច្បាប់។ នៅក្នុងភាសារុស្សី យើងហៅវាថា ជាទង្វើល្មួច»។

លោក Peskov បានបញ្ជាក់ថា ប្រសិនបើអ្នកណាម្នាក់បានលួច ឬក្លែងបន្លំយកទ្រព្យសម្បត្តិរបស់រុស្ស៊ី ឬប្រាក់ចំណូលពីទ្រព្យសម្បត្តិទាំងនោះ «អ្នកពាក់ព័ន្ធនឹងត្រូវកាត់ទោសតាមមធ្យោបាយមួយ ឬមធ្យោបាយផ្សេងទៀត ពោលគឺពួកគេទាំងអស់នឹងត្រូវទទួលខុសត្រូវ»។ លោកបានសង្កត់ធ្ងន់ថា ប្រទេសណាមួយ ដែលពាក់ព័ន្ធ នឹងមិនត្រូវបានលើកលែងឡើយ។

វិមានក្រឹមឡាំងបានលើកឡើងម្តងហើយម្តងទៀតថា ការប៉ុនប៉ងយកទ្រព្យសម្បត្តិរបស់ខ្លួន នឹងធ្វើឲ្យខូចដល់ទំនុកចិត្តលើប្រព័ន្ធធនាគារកណ្តាល រូបិយប័ណ្ណអឺរ៉ូ និងការយល់ឃើញអំពីសុវត្ថិភាពនៃកម្មសិទ្ធិ និងសិទ្ធិអចលនទ្រព្យ នៅអឺរ៉ុប៕