រហូតមកដល់ថ្ងៃព្រហស្បតិ៍នេះ មនុស្សជិត១០០នាក់ត្រូវបានបញ្ជាក់ថាបានស្លាប់ មួយថ្ងៃបន្ទាប់ពីគ្រោះរញ្ជួយដីកម្រិត៦,៩រ៉ិចទ័រ បានវាយប្រហារភាគកណ្តាលប្រទេសហ្វីលីពីន។

លោក Rafaelito Alejandro នាយករងការិយាល័យការពារជនស៊ីវិលបាននិយាយនៅលើកញ្ចក់ទូរទស្សន៍រដ្ឋាភិបាលថា ពួកគេជាច្រើនត្រូវបានកម្ទេចថ្មបាក់សង្កត់ដែលបណ្តាលឱ្យពួកគេស្លាប់ ដោយលោកបានដាក់ចំនួនអ្នកស្លាប់ចុងក្រោយដល់៩៧នាក់។   

រដ្ឋាភិបាលខេត្ត សេប៊ូ (Cebu) បានអំពាវនាវនៅលើទំព័រ Facebook ផ្លូវការរបស់ខ្លួន ស្វែងរកអ្នកស្ម័គ្រចិត្តផ្នែកវេជ្ជសាស្រ្ត ដើម្បីជួយព្យាបាលអ្នករបួសរាប់រយនាក់បន្ទាប់ពីការរញ្ជួយដី។

កុមារដែលរងរបួសបានស្រែកយំត្រហឹង ហើយមនុស្សចាស់បញ្ចេញសម្រេកយ៉ាងឈឺចាប់ ខណៈកំពុងសម្រាកព្យាបាលនៅលើគ្រែក្រោមតង់ពណ៌ខៀវនៅខាងក្រៅមន្ទីរពេទ្យខេត្ត Cebu។

យោងតាមការស្ទង់មតិភូគព្ភសាស្ត្ររបស់សហរដ្ឋអាមេរិកបានឲ្យដឹងថា ពួកគេគឺជាអ្នកមានសំណាងនៅរស់រានមានជីវិតពីគ្រោះរញ្ជួយដីដែលបានកើតឡើងកាលពីយប់ថ្ងៃអង្គារសប្ដាហ៍នេះ នៅឯភាគខាងជើងទីក្រុង Bogo របស់ខេត្តកោះ Cebu ជាទីក្រុងដែលមានមនុស្ស ៩ម៉ឺននាក់រស់នៅ ។

អ្នកផ្សេងទៀតមិនមានសំណាងប៉ុន្មានទេ ហើយអ្នកកាសែតរបស់ទីភ្នាក់ងារសារព័ត៌មានបារាំង AFP បានមើលឃើញថា បុគ្គលិកមន្ទីរពេទ្យកំពុងសែងសាកសពក្នុងថង់ពណ៌ខ្មៅចូលក្នុងរថយន្តទៅកាន់ទីបញ្ចុះសពក្នុងតំបន់៕