ដោះដូរ​កីឡាករ​ចុងក្រោយ Everton យក​បាន​ពីរ​នាក់​សំខាន់ៗ​គឺ Dele Alli និង Donny van der Beek

ដោះដូរកីឡាករចុងក្រោយ Everton យកបានពីរនាក់សំខាន់ៗគឺ Dele Alli និង Donny van der Beek

បាល់ទាត់៖ ទីផ្សារដោះដូរកីឡាករក្នុងខែមករានៅតំបន់អឺរ៉ុបបានបិទបញ្ចប់ថ្ងៃចន្ទម្សិលមិញ ខណៈដែលក្លិប Everton ចុងក្រោយគេបាននាំចូលកីឡាករពីរនាក់សំខាន់ៗ។ ខ្សែបម្រើអង់គ្លេស Dele Alli បានផ្ទេរពី Spurs ក្នុងតម្លៃ ១០លានផោនជាមួយនឹងកិច្ចសន្យា ២ឆ្នាំកន្លះ។

កីឡាករវ័យ ២៥ឆ្នាំរូបនេះធ្លាប់បានបង្ហាញខ្លួន ៣៧លើកឱ្យក្រុមជំរើសជាតិអង់គ្លេសតែនៅ Spurs មួយរយៈចុងក្រោយមិនជោគជ័យដោយមិនសូវបានលេង ពោលគឺរដូវកាលនេះបង្ហាញខ្លួនបានត្រឹម ៦លើកក្រោមការដឹកនាំរបស់ Antonio Conte។ ជាមួយគ្នានោះដែរ Everton ដែលស្ថិតក្រោមការដឹកនាំរបស់អ្នកចាត់ការថ្មី Frank Lampard នោះក៏បាននាំយកខ្សែបម្រើមួយរូបទៀតដែរគឺកីឡាករហូឡង់ Donny van der Beek ពី Manchester United ក្នុងលក្ខខណ្ឌខ្ចីដល់ចប់រដូវកាល។ កីឡាករវ័យ ២៤ឆ្នាំរូបនេះត្រូវបានអនុញ្ញាតឱ្យចាកចេញពីអ្នកចាត់ការ Ralf Rangnick ដើម្បីមានឱកាសលេងបាល់ច្រើន។ Van der Beek បង្ហាញខ្លួន ១១នាក់ដំបូងនៅ Premier League បានតែ ៤លើកប៉ុណ្ណោះតាំងពីផ្លាស់ពី Ajax Amsterdam កាលពីឆ្នាំ២០២០ ក្នុងតម្លៃ ៤០លានផោន និងមិនបានលេងសោះក្នុងរដូវកាលនេះ។

ចំណែកឯក្រុមនាំមុខគេ Manchester City បានសំរេចក្នុងការនាំយកខ្សែប្រយុទ្ធអាហ្សង់ទីន Julian Alvarez ពី River Plate ក្នុងតម្លៃ ១៧លានអឺរ៉ូ។ កីឡាករវ័យ ២២ឆ្នាំដែលជាគោលដៅរបស់ Manchester United ដែរនោះបានចុះហត្ថលេខារយៈពេល ៥ឆ្នាំកន្លះ។ Julian Alvarez បង្ហាញខ្លួនបាន ៩៦ប្រកួតនៅ River Plate ស៊ុតបញ្ចូលទីបាន ៣៦គ្រាប់។ ងាកមកមើលការដោះដូរកីឡាករសំខាន់ៗផ្សេងទៀតខ្សែប្រយុទ្ធហ្កាបុង Pierre-Emerick Aubameyang បានផ្លាស់ពីក្រុមកាំភ្លើងធំ Arsenal ទៅ FC Barcelona ហើយដោយគ្មានតម្លៃផ្ទេរ។ កីឡាករវ័យ ៣២ឆ្នាំរូបនេះមិនបានចូលលេងឱ្យ Arsenal តាំងពីខែធ្នូដោយសារមិនគោរពវិន័យ និងត្រូវបានដកហូតតំណែងប្រធានក្រុមដោយអ្នកចាត់ការ Mikel Arteta ផងដែរ។ រំលឹកថា Aubameyang ត្រូវបាន Arsenal ទិញពី Dortmund ក្នុងតម្លៃ ៥៦លានផោនកាលពីឆ្នាំ២០១៨។ ចំណែកឯខ្សែបម្រើសញ្ជាតិវែល Aaron Ramsey នៅពេលនេះបានចាកចេញពី Juventus ហើយផ្លាស់ទៅកាន់ក្លិបស្កុតឡេន Glasgow Rangers ក្នុងលក្ខខណ្ឌខ្ចីដល់ចប់រដូវកាល។ កីឡាករវ័យ ៣១ឆ្នាំរូបនេះមិនបានចូលលេងសូម្បីមួយប្រកួតឱ្យ Juventus តាំងពីបង្ហាញខ្លួនចុងក្រោយកាលពីខែតុលា៕

អត្ថបទ៖នាង សុភាវុធ

អត្ថបទដែលទាក់ទង

MLS បើកការស៊ើបអង្កេតលើ Inter Miami ជុំវិញការចោទប្រកាន់ថាបានទាក់ទង Casemiro ដោយមិនគោរពបទប្បញ្ញត្តិ

Hun Sen Cup៖ ឧត្តរមានជ័យ ស្មើបន្ទាយមានជ័យ ខណៈខេត្តកណ្ដាល រកបាន ៣ពិន្ទុពេញពីជំនួបបើកឆាកពូលB

អត្តពលិកកីឡារាំទៅចូលរួមប្រកួតជើងឯកអាស៊ី-អាស៊ាន នៅម៉ាឡេស៊ី ខណៈប្រធានសហព័ន្ធជឿជាក់នាំ មេដាយជូនជាតិ

បណ្ដាញសង្គម

ព័ត៌មានចុងក្រោយ

បេសកជន៖ ការវិលត្រឡប់របស់មេដឹកនាំមីយ៉ាន់ម៉ាទៅកាន់កិច្ចប្រជុំអាស៊ាន ស្ថិតលើផ្លូវវែងឆ្ងាយណាស់

ក្រុមបាតុករប៉ះទង្គិចជាមួយនគរបាលអាល់បានី អំឡុងការតវ៉ាបង្កឡើងដោយគម្រោងរមណីយដ្ឋាន

EU ហៅការវាយប្រហាររបស់ក្រុមហ៊ួទី លើនាវាដឹកប្រេងថា មិនអាចទទួលយកបាន និងព្រមានកុំបង្កើនភាពតានតឹងបន្ថែម

ក្រុមប្រឆាំងអ៊ីស្រាអែលហៅកិច្ចព្រមព្រៀងនុយក្លេអ៊ែរអាមេរិក-អារ៉ាប៊ីសាអ៊ូឌីតថា ជាបរាជ័យរបស់លោក Netanyahu

ជនស៊ីវិល ១៦នាក់ត្រូវបានសម្លាប់ អំឡុងការវាយប្រហារថ្មីរបស់ក្រុមឧទ្ទាម នៅភាគខាងកើតកុងហ្គោ

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ដោះដូរកីឡាករចុងក្រោយ Everton យកបានពីរនាក់សំខាន់ៗគឺ Dele Alli និង Donny van der Beek