អ្នកនាំពាក្យប្រធានាធិបតីរុស្ស៊ី លោក Dmitry Peskov បាននិយាយថា ពេលខ្លះយោធារុស្ស៊ី ត្រូវបានបង្ខំឲ្យចាត់វិធានការ ជាការឆ្លើយតបទៅនឹងការបង្កហេតុរបស់បណ្តាប្រទេសអ៊ឺរ៉ុប ដែលជ្រៀតជ្រែកក្នុងការដឹកជញ្ជូន នៅក្នុងតំបន់ផ្សេងៗ រួមទាំងសមុទ្របាល់ទិកផងដែរ។

ដោយឆ្លើយតបទៅនឹងសំណួរអំពីឧប្បត្តិហេតុពាក់ព័ន្ធនឹងនាវាពាណិជ្ជករ អ្នកនាំពាក្យវិមានក្រឹមឡាំង បាននិយាយថា៖នៅក្នុងតំបន់មួយចំនួន រួមទាំងតំបន់បាល់ទិក បណ្តាប្រទេសនៅអឺរ៉ុប និងរដ្ឋឆ្នេរសមុទ្រកំពុងចាត់វិធានការបង្កហេតុជាច្រើន ដែលតាមទស្សនៈរបស់យើង ពិតជាមិនអំណោយផលដល់ការធានានូវសេរីភាពនៃការដឹកជញ្ជូនពាណិជ្ជកម្ម»។

លោកបានពន្យល់ថា៖«ពេលខ្លះ សកម្មភាបែបនេះ ធ្វើឲ្យកងកម្លាំងប្រដាប់អាវុធរបស់យើង ត្រូវចាត់វិធានការដើម្បីស្ដារសណ្តាប់ធ្នាប់»។

លោក Peskov បានបដិសេធមិនធ្វើអត្ថាធិប្បាយលើរបាយការណ៍ប្រព័ន្ធផ្សព្វផ្សាយអំពីការឃាត់នាវាដឹកប្រេងនៅឆ្នេរសមុទ្រនៃប្រទេសបារាំងដោយសង្ស័យថា បានរំលោភលើទណ្ឌកម្ម។

លោក Peskov បានពន្យល់ថា៖«សម្រាប់នាវាជាក់លាក់ដែលត្រូវបានលើកឡើងនោះ ខ្ញុំមិនអាចនិយាយអ្វីបានទេ។ យើងមិនមានព័ត៌មានណាមួយទេ ដូច្នេះយើងមិនដឹងថា នាវាមួយណា ដែលអ្នកកំពុងនិយាយនោះទេ»៕