អ្នកនាំពាក្យក្រសួងការបរទេសលោកស្រី Maria Zakharova បានប្រាប់អ្នកយកព័ត៌មានថា រុស្ស៊ីចាត់ទុកការអះអាងណាមួយអំពីភាពមិនអាចទៅរួចនៃដំណោះស្រាយរដ្ឋពីរចំពោះជម្លោះអ៊ីស្រាអែលនិងប៉ាឡេ  ស្ទីនថា មិនអាចទទួលយកបានទេ។  

លោកស្រី បាននិយាយថា៖«ការលើកឡើងបែបនេះ មិនអាចទទួលយកបានសម្រាប់ពួកយើងចំពោះ ហេតុផលមួយចំនួន»។

អ្នកការទូតរូបនេះ បានកត់សម្គាល់ថា រុស្ស៊ីបានទទួលស្គាល់រដ្ឋប៉ាឡេស្ទីនជាយូរមកហើយ ស្របតាមសេចក្តីសម្រេចដែលពាក់ព័ន្ធ ក្រោមច្បាប់អន្តរជាតិ។ លោកស្រី បាននិយាយថា៖«ច្បាប់អន្តរជាតិកំណត់យ៉ាងជាក់លាក់នូវវិធីនេះថា ជាភាពចាំបាច់ក្នុងការបង្កើតរដ្ឋពីរ។ សេចក្តីសម្រេចនេះ ត្រូវបានកំណត់ នៅក្នុងការសម្រេចចិត្តរបស់មហាសន្និបាត UN ហើយត្រូវបានអនុម័ត និងគាំទ្រនៅវេទិកាអន្តរជាតិផ្សេងទៀត»។

យោងតាមលោក Zakharova បានឲ្យដឹងថា ការអះអាងអំពីការដួលរលំនៃវិធីសាស្រ្តរដ្ឋពីរចំពោះប៉ាឡេស្ទីន មិនឆ្លុះបញ្ចាំងពីជំហរ ជាគោលការណ៍របស់រុស្ស៊ី «ផ្អែកលើច្បាប់អន្តរជាតិ ដែលគាំទ្រដោយភាគច្រើននៃពិភពលោក»។ ដូច្នេះហើយ អ្នកណាជាអ្នកបញ្ចេញសំឡេង របៀបដែលពួកគេបញ្ចេញសំឡេង ហើយនៅពេលណា ខ្ញុំជឿថា នេះគឺជារឿងបន្ទាប់បន្សំ។ ចំណុចសំខាន់ គឺគោលការណ៍ជាក់លាក់។ មិនមែនសម្រាប់ជាប្រយោជន៍នៃគោលការណ៍នោះទេ ប៉ុន្តែសម្រាប់ការរួមរស់របស់ប្រទេសជាតិ ដើម្បីជីវិតប្រកបដោយសន្តិភាព និងសម្រាប់អនាគត។

កាលពីថ្ងៃទី២៥ ខែកញ្ញា នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) បាននិយាយថា លោកនឹងមិនអនុញ្ញាតឲ្យបង្កើតរដ្ឋប៉ាឡេស្ទីនឡើយ៕