អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បាននិយាយថា របបក្រុងគីវ នឹងមិនអាចបញ្ចប់ជម្លោះបច្ចុប្បន្ននៅអ៊ុយក្រែន ដោយប្រើអាវុធបានទេ។

លោកស្រី បាននិយាយថា៖ «ជាការពិត ពួកគេ (តំណាងរបបក្រុងកៀវ) នឹងមិនអាចបញ្ចប់ជម្លោះដោយប្រើអាវុធបានទេ។

អ្នកការទូតរូបនេះ បានសង្កត់ធ្ងន់ថា៖«ប្រសិនបើទីក្រុងគីវពិតជាចង់បញ្ចប់ជម្លោះនេះ ពួកគេដឹងថា ត្រូវធ្វើអ្វីហើយ»។ លោកស្រី បានចង្អុលបង្ហាញថា៖«ពួកគេត្រូវទទួលស្គាល់ការពិតនៃទឹកដីបច្ចុប្បន្ន ប្រគល់អ៊ុយក្រែនទៅកាន់ប្រភពដើមនៃភាពជារដ្ឋរបស់ខ្លួន ពោលគឺ ស្ដារស្ថានភាពអព្យាក្រឹតរបស់ខ្លួន បោះបង់ការទាមទាររបស់ខ្លួនចំពោះសមាជិកណាតូ បោះបង់មនោគមន៍វិជ្ជាណាស៊ី ហើយជាការចាំបាច់ ត្រូវគោរពសិទ្ធិមនុស្ស»។

យោងតាមលោកស្រី Zakharova នេះមានន័យថា ការធានាសិទ្ធិរបស់«ពលរដ្ឋដែលនិយាយភាសារុស្សី និងរុស្ស៊ី នៅអ៊ុយក្រែន មិនមែនដោយសារតែពួកគេប្រសើរជាង ឬទាមទារការយកចិត្តទុកដាក់បន្ថែមទៀតនោះទេ ប៉ុន្តែដោយសារតែពួកគេត្រូវបានគេធ្វើបាបជាច្រើនឆ្នាំមកនេះ ហើយសិទ្ធិរបស់ពួកគេ មិនត្រឹមតែត្រូវបានរំលោភបំពានប៉ុណ្ណោះទេ ប៉ុន្តែត្រូវបានបំផ្លាញយ៉ាងសាមញ្ញ»៕