ក្រសួងការបរទេសរបស់ប្រទេសនេះ បាននិយាយថា ឥណ្ឌាគ្រោងនឹងបន្តជើងហោះហើរត្រង់ ជាមួយប្រទេសចិនវិញ នៅចុងខែតុលានេះ ដោយមិនមានក្រុមហ៊ុនអាកាសចរណ៍ពាណិជ្ជកម្មណាមួយដំណើរការរវាងប្រទេសទាំងពីរដែលមានប្រជាជនច្រើនជាងគេបំផុតលើពិភពលោកក្នុងរយៈពេល ៥ឆ្នាំ ចុងក្រោយនេះ។

ប្រទេសជិតខាងប្រដាប់អាវុធនុយក្លេអ៊ែរទាំងពីរនេះ ត្រូវបានជាប់គាំងនៅក្នុងការប្រឈមមុខដាក់គ្នាដែលបង្កឡើងដោយការប៉ះទង្គិចគ្នាយ៉ាងសាហាវ នៅតាមបណ្តោយព្រំដែនហិម៉ាឡៃយ៉ារបស់ពួកគេ ដែលគេស្គាល់ថា ជាខ្សែបន្ទាត់នៃការគ្រប់គ្រងជាក់ស្តែងក្នុងឆ្នាំ ២០២០។

កងទ័ពរាប់ម៉ឺននាក់ រថក្រោះ និងកាំភ្លើងធំជាច្រើនគ្រឿង ត្រូវបានដាក់ពង្រាយ នៅសងខាងនៃខ្សែបន្ទាត់នៃការគ្រប់គ្រងជាក់ស្តែង( LAC)ដោយប្រទេសទាំងពី រក៏បានសាងសង់ផ្លូវ លេណដ្ឋាន និងផ្លូវអាកាសនៅក្នុងតំបន់ដែលមានរយៈកម្ពស់ខ្ពស់។

ទោះបីជាមានការពិភាក្សាជាច្រើនជុំក៏ដោយ ភាពតានតឹងនៅតែបន្តកើតមាន ដោយឥណ្ឌាបានទប់ស្កាត់ការវិនិយោគរបស់ចិន ហាមឃាត់កម្មវិធីរាប់សិប និងរឹតបន្តឹងការត្រួតពិនិត្យពាណិជ្ជកម្ម ខណៈពេលដែលធ្វើឲ្យទំនាក់ទំនងជាមួយសហរដ្ឋអាមេរិក ជប៉ុន និងអូស្ត្រាលី កាន់តែស៊ីជម្រៅ៕