ប្រធានាធិបតីអ៊ុយក្រែន លោក Volodymyr Zelenskyy បាននិយាយកាលពីថ្ងៃសុក្រ ទី៣ ខែតុលា ថា រុស្ស៊ី បានវាយប្រហារមួយលើកផ្សេងទៀតទៅលើហេដ្ឋារចនាសម្ព័ន្ធឧស្ម័នរបស់ប្រទេសអ៊ុយក្រែន ដោយបន្តធ្វើឲ្យប៉ះពាល់ដល់វិស័យថាមពលរបស់ប្រទេសនេះខណៈរដូវរងាលើទី៤ក្នុងពេលសង្រ្គាម ខិតជិតមកដល់។

លោក Zelenskyy បាននិយាយនៅក្នុងសុន្ទរកថាតាមវីដេអូនៅពេលយប់របស់លោកថា មីស៊ីលចំនួន៣៥គ្រាប់ត្រូវបានប្រើប្រាស់ក្នុងការវាយប្រហារ រួមទាំងការបាញ់ផ្លោងបាលីស្ទីក ហើយមានតែគ្រាប់ផ្លោងពាក់កណ្តាលប៉ុណ្ណោះដែលត្រូវបានបាញ់ទម្លាក់។

ក្រុមមន្ត្រី បាននិយាយកាលពីថ្ងៃសុក្រថា ការវាយប្រហារតាមអាកាសទ្រង់ទ្រាយធំរបស់រុស្ស៊ី បានវាយប្រហារទៅលើរោងចក្រផលិតឧស្ម័នសំខាន់ៗជាច្រើនកន្លែងរបស់អ៊ុយក្រែន ដែលករណីមួយចំនួនបានបណ្តាលឱ្យខូចខាតធ្ងន់ធ្ងរ។

នាយកប្រតិបត្តិ លោក Sergii Koretskyi បាននិយាយថា ភាគីរុស្ស៊ីបានបាញ់មីស៊ីលចំនួន ៣៥ គ្រាប់ និងយានដ្រូនចំនួន៦០គ្រឿងនៅទីតាំងនៃក្រុមហ៊ុនឧស្ម័ន និងប្រេងរដ្ឋ Naftogaz ក្នុងតំបន់ Kharkiv និង Poltava នៅពេលយប់ ហើយការវាយប្រហារនេះគឺជាសង្គ្រាមធំបំផុតលើការផលិតឧស្ម័ន។

រុស្ស៊ី បានបង្កើនការវាយប្រហាររបស់ខ្លួនលើវិស័យថាមពលរបស់អ៊ុយក្រែន ហើយវាបានបង្កឱ្យមានការដាច់ចរន្តអគ្គិសនីដែលបានអូសបន្លាយពេលយូរនៅក្នុងតំបន់មួយចំនួន។