ប្រទេសប៊ុលហ្គារីបានទទួលយន្តហោះចម្បាំង F-16 Block 70 ទី៣ និងទី៤ របស់ខ្លួន កាលពីថ្ងៃសុក្រ (ទី ០៣ ខែតុលា) ដែលជាផ្នែកមួយនៃកិច្ចព្រមព្រៀងឆ្នាំ ២០១៩ ក្នុងគោលបំណងធ្វើទំនើបកម្មកងទ័ពអាកាសរបស់ខ្លួន និងបញ្ឈប់កងនាវាចាស់របស់ខ្លួននៃយន្តហោះ MiG-29 របស់រុស្ស៊ី។

ការបញ្ជូននេះ បានកើតឡើង បន្ទាប់ពីការមកដល់នៃយន្តហោះពីរគ្រឿងដំបូង នៅដើមឆ្នាំនេះ ក្នុងខែមេសា និងមិថុនា នៅមូលដ្ឋានអាកាស Graf Ignatievo។ ប៊ុលហ្គារី គ្រោងនឹងទទួលយន្តហោះទាំង៨គ្រឿង ពីកញ្ចប់ដំបូងនៅចុងឆ្នាំ ២០២៥ ជាមួយនឹងក្រុមទី២ចំនួន ៨គ្រឿង គ្រោងសម្រាប់ការបញ្ជូនមក នៅឆ្នាំ ២០២៧។

សហភាពអឺរ៉ុប និងប្រទេសសមាជិកណាតូ កំពុងស្វែងរកការជំនួសយន្តហោះចម្បាំងរុស្ស៊ី MiG-29 ដ៏ចាស់របស់ខ្លួន និងកែលម្អ អនុលោមតាមស្តង់ដារបស់អង្គការណាតូ។

ការបញ្ជូនយន្តហោះចម្បាំងទាំងនេះ ស្របពេលជាមួយនឹងការព្រួយបារម្ភផ្នែកសន្តិសុខ ក្នុងតំបន់កាន់តែកើនឡើង បន្ទាប់ពីសេចក្តីប្រកាសខែកញ្ញារបស់អង្គការណាតូ ដើម្បីពង្រឹងផ្នែកខាងកើតរបស់អឺរ៉ុប បន្ទាប់ពីប៉ូឡូញ ស្ទាក់ចាប់យានដ្រូនដែលរំលោភលើដែនអាកាសរបស់ខ្លួន ក្នុងអំឡុងពេលសង្រ្គាម ដែលកំពុងបន្តរបស់រុស្ស៊ីនៅអ៊ុយក្រែន៕