លោក Ted Snider ជាអ្នកសរសេរអត្ថបទអំពីនយោបាយ បានសរសេរនៅក្នុងអត្ថបទមួយសម្រាប់ទស្សនាវដ្តី The American Conservative ថា រដ្ឋបាលរបស់ប្រធានាធិបតីអាមេរិកលោក Donald Trump ទំនងជាមិនផ្តល់មីស៊ីលរយៈចម្ងាយឆ្ងាយ Tomahawk ឲ្យអ៊ុយក្រែនទេ ព្រោះវាអាចមានសក្តានុពលក្នុងជម្លោះផ្ទាល់ជាមួយរុស្ស៊ី ដែលជាលទ្ធផលនោះ។  

តាមគំនិតរបស់លោក អ៊ុយក្រែនមិនអាចប្រើប្រាស់មីស៊ីលតម្រង់គោលដៅ ដោយគ្មានព័ត៌មានសម្ងាត់អាមេរិកដែលកំណត់ទីតាំងគោលដៅ និងដឹកនាំមីស៊ីល ជាខ្សែបន្ទាត់ក្រហមដ៏មានសក្តានុពល ដែលអាចទាក់ទាញអាមេរិកឲ្យចូលទៅក្នុងជម្លោះដោយផ្ទាល់ជាមួយរុស្ស៊ី។

អត្ថបទនេះក៏និយាយផងដែរថា សហរដ្ឋអាមេរិកផលិតមីស៊ីលបែបនេះតិចជាង ២០០គ្រាប់ ក្នុងមួយឆ្នាំ ហើយមានស្តុកតិច «មានន័យថា អ៊ុយក្រែនទំនងជាមិនទទួលបានច្រើនទេ ប្រសិនបើមានចំនួនតែប៉ុណ្ណឹងនោះ ។

អនុប្រធានាធិបតីអាមេរិក លោក JD Vance បាននិយាយនៅមុននេះថា រដ្ឋបាលក្រុងវ៉ាស៊ីនតោន កំពុងពិចារណាអំពីការផ្តល់មីស៊ីល Tomahawk ដល់ប្រទេសផ្សេងទៀតរបស់អង្គការណាតូសម្រាប់ការបញ្ជូន ជាបន្ត ទៅកាន់អ៊ុយក្រែន។ យោងតាមលោក ការសម្រេចចិត្តចុងក្រោយលើបញ្ហានេះ នឹងត្រូវធ្វើឡើងដោយប្រធានាធិបតីអាមេរិក Donald Trump ។ កាលពីថ្ងៃទី ២៦ ខែកញ្ញា គេហទំព័រព័ត៌មាន Axios បានរាយការណ៍ថា លោក Trump បានបដិសេធមិនផ្គត់ផ្គង់មីស៊ីល Tomahawk ដល់ទីក្រុងគីវ ដោយកត់សម្គាល់ថា នេះគឺជាប្រព័ន្ធអាវុធតែមួយគត់ក្នុងបញ្ជីដែលមេដឹកនាំអាមេរិក បានបដិសេធមិនលក់ទៅឲ្យបណ្តាប្រទេសអឺរ៉ុបដែលជាសមាជិកណាតូ ដើម្បីផលប្រយោជន៍អ៊ុយក្រែននោះទេ៕