រដ្ឋមន្ត្រីក្រសួងមហាផ្ទៃលោក Ali Yerlikaya បាននិយាយកាលពីថ្ងៃសុក្រថា អង្គភាពកងអាវុធហត្ថទួរគីបានឃាត់ខ្លួនជនសង្ស័យចំនួន ៩១នាក់ ក្នុងអំឡុងពេលប្រតិបត្តិការនៅទូទាំងខេត្តចំនួន ៣០ ក្នុងរយៈពេលពីរសប្តាហ៍កន្លងមកនេះ ដោយកំណត់គោលដៅទៅលើបណ្តាញ នៅពីក្រោយការប៉ុនប៉ងធ្វើរដ្ឋប្រហារឆ្នាំ ២០១៦ដែលបានបរាជ័យ។ 

លោកYerlikaya បាននិយាយនៅលើវេទិកាប្រព័ន្ធផ្សព្វផ្សាយសង្គម Xថា ក្នុងចំណោមអ្នកដែលត្រូវបានឃុំឃាំងទាំងនោះ ៦៤នាក់ ត្រូវបានចាប់ខ្លួនជាផ្លូវការ ដោយបន្ថែមថា នីតិវិធីផ្លូវច្បាប់សម្រាប់ជនសង្ស័យដែលនៅសេសសល់ កំពុងបន្តដំណើរការ ខណៈពេលដែលវិធានការត្រួតពិនិត្យរបស់តុលាការ ត្រូវបានអនុវត្តចំពោះមនុស្សបីនាក់ផ្សេងទៀត។

ប្រតិបត្តិការនេះ បានកំណត់គោលដៅលើចលនា Gulen ដែលរដ្ឋាភិបាលទួរគី ឲ្យទទួលខុសត្រូវចំពោះការប៉ុនប៉ងធ្វើរដ្ឋប្រហារ កាលពីថ្ងៃទី១៥ ខែកក្កដា ឆ្នាំ២០១៦។

ការស៊ើបអង្កេត បានបង្ហាញថា ជនសង្ស័យបានចូលរួមយ៉ាងសកម្មនៅក្នុងរចនាសម្ព័ន្ធបច្ចុប្បន្នរបស់ក្រុមនេះ រក្សាការប្រាស្រ័យទាក់ទងជាមួយឥស្សរជនជាន់ខ្ពស់ តាមរយៈទូរស័ព្ទបង់ប្រាក់ ផ្តល់ជំនួយហិរញ្ញវត្ថុ និងចូលរួមក្នុងការឃោសនាតាមអ៊ីនធឺណិត៕