នៅព្រឹកថ្ងៃចន្ទនេះ ព្យុះទីហ្វុង Matmo ជាព្យុះទី១១ ដែលនឹងបោកបក់ចូលទៅសមុទ្រខាងកើតនៃប្រទេសវៀតណាមក្នុងឆ្នាំនេះ បានបោះពួយចូលខេត្ត Guangxi ប្រទេសចិន នៅព្រឹកថ្ងៃចន្ទនេះ ហើយបានចុះខ្សោយមកត្រឹមព្យុះកម្រិតទី៨ ក្នុងល្បឿន ពី ៦២ទៅ៧៤គីឡូម៉ែត្រក្នុងមួយម៉ោង ជាមួយនឹងកម្លាំងខ្យល់បោកបក់កម្រិត ១០ ប្រហែល ៨៩ ទៅ១០២ គីឡូម៉ែត្រក្នុងមួយម៉ោង នេះបើយោងតាមមជ្ឈមណ្ឌលជាតិសម្រាប់ជលសាស្ត្រឧតុនិយម។  

ព្យុះទីហ្វុង Matmo នេះ បានជំរុញឲ្យរដ្ឋាភិបាលចិន ជម្លៀសមនុស្សប្រមាណ ៣៤៧.០០០នាក់ចេញពីខេត្តភាគខាងត្បូង មានខេត្ត Guangdong និង Hainan។

ព្យុះនេះត្រូវបានគេរំពឹងថានឹងបន្តបោកបក់លើដីគោកបន្ថែមទៀត ហើយនឹងចុះខ្សោយទៅជាព្យុះត្រូពិកនៅរសៀលថ្ងៃនេះ មុនពេលចូលទៅក្នុងតំបន់សម្ពាធទាបលើតំបន់ភ្នំភាគខាងជើងនៃប្រទេសវៀតណាម។

ដោយសារព្យុះនេះ ខ្យល់បក់ខ្លាំងនឹងបន្តកើតមាននៅថ្ងៃនេះនៅទូទាំងខេត្តភាគខាងជើងនៃខេត្ត Quảng Ninh និង Lạng Sơn ជាមួយនឹងល្បឿនពីកម្រិត ៦ទៅ៧ និងនាំកម្លាំងខ្យល់ឡើងដល់កម្រិតទី ៩ ។ នៅកន្លែងផ្សេងទៀតនៅភាគខាងជើងប្រទេសវៀតណាម មិនត្រូវបានគេរំពឹងថានឹងមានខ្យល់បក់ខ្លាំងនោះទេ។

ខណៈឥទ្ធិពលខ្យល់មកប្រទេសវៀតណាមបានថយចុះ នៅពេលព្យុះនេះបោះពួយទៅទិសខាងជើង ព្យុះទីហ្វុង Matmo នៅតែបន្តនាំមកនូវភ្លៀងធ្លាក់ខ្លាំងដល់ខេត្តភាគខាងជើង និងខេត្ត Thanh Hóa ចាប់ពីពេលនេះរហូតដល់យប់ថ្ងៃទី ៧ ខែតុលា៕