​បាល់ទាត់៖ ​ក្រុមជំរើសជាតិ​វៀតណាមទីបំផុត​រកបាន​ជ័យជម្នះ​លើកដំបូង​របស់​ខ្លួន​ក្នុង​វគ្គ​ជំ​រុះ World Cup ជុំ​ទី​៣ ក្រោយ​យកឈ្នះ​ចិន ៣-១ នៅ​ទីក្រុង​ហាណូយ​។ ​​វៀតណាម​ដែល​បរាជ័យ ៧ប្រកួត​ជាប់​គ្នា​មកហើយ​ក្នុងការ​បង្ហាញខ្លួន​នៅ​វគ្គ​ជំ​រុះ​ជុំ​ទី៣ នេះបាន​នាំមុខ ២គ្រាប់​មុន​ក្នុងការ​ប្រកួត​នេះ​នៅ​នាទី​ទី៩ ដោយ Ho Tan Tai និង​នាទី​ទី១៦ ដោយ Nguyen Tien Linh​។

​

​​ឈានដល់​វគ្គ​ទី២ Phan van Duc បន្ថែម​មួយគ្រា​ប់​ទៀត​ឱ្យ​វៀតណាម​នៅ​នាទី​ទី៧៦ មុនពេល​ដែល​ចិន​តប​បាន​មួយ​គ្រាប់​ដែរ​នៅ​ចុង​ម៉ោង​នាទី​ទី៩០+៧ ដោយ Xu Xin​។ ​​ចិន និង​វៀតណាម​សុទ្ធតែ​អស់​ឱកាស​ដូចគ្នា​ក្នុងការ​ដណ្តើម​កៅអី World Cup ដោយ​វៀតណាម​ទើប​មាន ៣ពិន្ទុ​ពី​ការប្រកួត ៨លើក​តាម​ពីក្រោយ​ចិន​ដែលមាន ៥ពិន្ទុ​។ ​​ចំណែកឯ​ការប្រកួតប្រជែង​ក្រុម​កំពូល​តារាង​កាន់តែ​ស្វិតស្វាញ ​ក្រោយ​ជប៉ុន​យកឈ្នះ​អារ៉ាប៊ីសាអ៊ូឌីត ២-០ នៅ​កីឡដ្ឋាន Saitama​។ ​​ខ្សែប្រយុទ្ធ Liverpool, Takumi Minamino ជា​អ្នក​រកបាន​គ្រាប់​នាំមុខ​ឱ្យ​ជប៉ុន​នៅ​នាទី​ទី៣២ មុនពេល​ដែល Junya Ito ធានា​ជ័យជម្នះ​ឱ្យ​ជប៉ុន​នៅ​នាទី​ទី៥០​។ ​​ជ័យជម្នះនេះ​ធ្វើឱ្យ​ជប៉ុន​ដេញ​ប្រកៀក​ជាមួយ​ក្រុម​កំពូល​តារាង​អារ៉ាប៊ីសាអ៊ូឌីត​ខុសគ្នា​តែ ១ពិន្ទុ​ប៉ុណ្ណោះ​ខណៈ​អារ៉ាប៊ីសាអ៊ូឌីត​មាន ១៩ពិន្ទុ​ស្គាល់​បរាជ័យ​ដំបូង​នៅក្នុង​ពូ​ល​។

​​រីឯ​អូស្ត្រាលី​ឈរ​លេខ ៣ ក្នុង​តំណែង Play-Off ដោយមាន ១៥ពិន្ទុ​ដេញ​ពីក្រោយ​ជប៉ុន ៣ពិន្ទុ​បន្ទាប់ពី​ធ្វើ​អ្វី​ក្រុម​អូ​ម៉​ង់​មិនបានបាន​ត្រឹម​ស្មើគ្នា ២-២​។ ​​អូស្ត្រាលី​នាំមុខ​មុន​ដោយ Jamie Maclaren នៅ​នាទី​ទី១៥ ដោយ​បាល់​ពិន័យ ១១ម៉ែត្រ​តែ​អូ​ម៉​ង់​ក៏​តាម​ស្មើ​វិញ​នៅ​ដើម​វគ្គ​ទី២ នាទី​ទី៥៤ ដោយ Abdullah Fawaz​។ ​​អូស្ត្រាលី​ក៏​នាំមុខ​ជាថ្មី​ម្តងទៀត​ដោយ Aaron Mooy នាទី​ទី៧៩ និង​គួរតែ​ជា​គ្រាប់​បាល់​ជ័យ​ជម្នះទៅហើយ​តែ Abdullah Fawaz ដដែល​ជា​អ្នក​ស៊ុត​បាល់​ពិន័យ ១១ម៉ែត្រ​តាម​ស្មើ​ឱ្យ​អូ​ម៉​ង់​នៅ​នាទី​ទី៨៩​។ ​អូ​ម៉​ង់​អស់​ឱកាស​ទៅហើយ​ទោះ​ស្មើ​ប្រកួត​នេះ​ក្តី​ដោយមាន​ត្រឹម ៨ពិន្ទុ​៕

​អត្ថបទ​៖​នាង សុភា​វុ​ធ