ភ្នំពេញ ៖ ក្រុមប្រឹក្សាអ្នកច្បាប់រដ្ឋសភា ដឹកនាំដោយ ឯកឧត្តម ឡេង ប៉េងឡុង អគ្គលេខាធិការរដ្ឋសភា នារសៀល ថ្ងៃទី៦ ខែតុលា ឆ្នាំ២០២៥ បានអញ្ជេីញដឹកនាំសមាជិកក្រុមប្រឹក្សាអ្នកច្បាប់ ដើម្បីពិនិត្យនិងផ្តល់យោបល់ទៅលេីសេចក្តីព្រាងច្បាប់ចំនួន៥ នៅវិមានរដ្ឋសភា។  

សេចក្តីព្រាងច្បាប់ទាំង៥នេះរួមមាន៖

១-សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀង ស្តីពី ក្របខ័ណ្ឌបទប្បញ្ញត្តិសុវត្ថិភាពម្ហូបអាហារអាស៊ាន។

២-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារធ្វើវិសោធនកម្មកិច្ចព្រមព្រៀងអាស៊ានស្តីពីបម្លាស់ទីរូបវន្តបុគ្គល។

៣-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារទីមួយ ធ្វើវិសោធនកម្មកិច្ចព្រមព្រៀងពាណិជ្ជកម្មសេរីអាស៊ាន-ហុងកុងនៃសាធារណរដ្ឋប្រជាមានិតចិន។

៤-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារទីពីរ ធ្វើវិសោធនកម្មកិច្ចព្រមព្រៀងពាណិជ្ជកម្មសេរីអាស៊ាន-អូស្រ្តាលី-នូវែលសេឡង់។

៥-សេចក្តីព្រាងច្បាប់ ស្តីពីការអនុម័តយល់ព្រមលើអនុសញ្ញាស្តីពីការបង្កើតអង្គការអន្តរជាតិសម្រាប់សន្ធានកម្ម។

ក្រោយពីពិនិត្យ និងពិភាក្សាយ៉ាងល្អិតល្អន់អង្គប្រជុំបានឯកភាពដោយរក្សាខ្លឹមសារដើមទាំងស្រុងអោយនៅដដែល៕