កាកបាទក្រហមកម្ពុជា នឹងរៀបចំកម្មវិធីរត់ប្រណាំងចម្ងាយ ៥គីឡូម៉ែត្រ ដើម្បី​អបអរ​សាទរ​ទិវា​ពិភព​លោក​សង្គ្រោះបឋម ២០២៥ ក្រោមប្រធានបទ «រត់ដើម្បីសុខភាព សន្តិភាព និង​ការ​ប្រែ​ប្រួល​អាកាសធាតុ» ដែលនឹងប្រារព្ធធ្វើឡើងនៅខណ្ឌជ្រោយចង្វារ(សួនច្បារជិតសណ្ឋាគារសុខា) រាជ​ធានី​ភ្នំពេញ ចាប់ពីម៉ោង ៦:០០នាទីព្រឹក ដល់ ម៉ោង ១០:០០នាទីព្រឹក ថ្ងៃអាទិត្យ ទី១២ ខែ​តុលា ឆ្នាំ២០២៥។

កាកបាទក្រហមកម្ពុជា សូមជម្រាបអញ្ជើញសាធារណជន ជាពិសេសយុវជន ដែលមានបំណង ចូល​រួម​ព្រឹត្តិការណ៍ខាងលើនេះ សូមមេត្តាចុះឈ្មោះតាមប្រព័ន្ធអនឡាញ ចាប់​ពី​ពេល​ផ្សាយ​ដំណឹង​នេះ ​ដល់ថ្ងៃទី១០ ខែតុលា ឆ្នាំ២០២៥ រហូតគ្រប់ចំនួនកំណត់ត្រឹម ៧០០នាក់​ តាម​រយៈ​Link:https://docs.google.com/forms/d/1VY59QQaYWV2GBFSXHIQOBWIn5qSJrWEy7Q6bPhczEM/preview

កម្មវិធីខាងលើនេះ កំណត់អ្នកចូលរួមចំនួន ៧០០នាក់ ដែលនឹងទទួលបាន អាវយឺត១, ផ្លាក​លេខ​សម្រាប់​រត់ និងវិញ្ញាបនបត្រElectronic តាមប្រពន្ធអនឡាញ ពីកាកបាទក្រហមកម្ពុជា។

ការចូលរួមរបស់សាធារណជន និងយុវជន ក្នុងព្រឹត្តិការណ៍នេះ គឺជា​ការ​ចូល​រួម​លើក​កម្ពស់​ការ​យល់​ដឹង​អំពី​សារសំ​ខាន់ នៃចំណេះដឹងសង្គ្រោះបឋម និងផលប៉ះពាល់ដោយ​សារ​ការ​ប្រែប្រួល​អាកាស​ធាតុ ជាមួយនឹងការគាំទ្រសេវាកម្មមនុស្សធម៌ និងកម្ម វិធីកសាងភាពធន់។ ជាមួយគ្នានេះ នឹង​លើកទឹកចិត្តដល់អ្នកចូលរួមគ្រប់វ័យឱ្យឆ្លងកាត់ការបណ្តុះបណ្ដាបច្ចេកទេសសង្គ្រោះបឋម និង​ការ​ប្រែប្រួលអាកាសធាតុ ជាពិសេសជាពិសេសជំនាញ CPR (ចលនាបេះដូងខាងក្រៅ) ដើម្បី​ចូលរួមកាត់បន្ថយអត្រាស្លាប់ ភ្លាមៗដោយសារគាំងបេះដូង ជួយសហគមន៍មានសុខភាពល្អ ទាំង​ផ្លូវកាយ និងផ្លូវចិត្ត និងឆ្លុះបញ្ចាំងអំពីការចូលរួមថែរក្សា សន្តិភាពក្នុងការ​ដោះ​ស្រាយ​បញ្ហា​ប្រឈម​នានា​ក្នុងពេលបច្ចុប្បន្ន។

ព័ត៌មានបន្ថែម សូមមេត្តាទំនាក់ទំនង៖ ១. លោក អុប ពុទ្ធ ទូរសព្ទ 016 840 057, ២. លោក យ៉ា សុផាត ទូរសព្ទ 099 999 665។