ពានរង្វាន់ណូបែលផ្នែករូបវិទ្យា ត្រូវបានប្រគល់ជូនទៅលោក John Clarke លោក Michel H. Devoret និងលោក John M. Martinis សម្រាប់ការងាររបស់ពួកលោក ពាក់ព័ន្ធនឹងកុំព្យូទ័រកង់ទិច (Quantum Computing)។

គណៈកម្មាធិការពានរង្វាន់ណូបែល បានលើកឡើងថា៖ «មិនមានបច្ចេកវិទ្យាទំនើបណាមួយដែលត្រូវបានប្រើប្រាស់នាពេលបច្ចុប្បន្ននេះ ដែលមិនពឹងផ្អែកលើបច្ចេកទេសកង់ទិចនោះឡើយ ក្នុងនោះរួមទាំងទូរសព្ទដៃ កាមេរ៉ា និងខ្សែកាបអុបទិកជាដើម»។

ការប្រកាសនេះត្រូវបានធ្វើឡើងដោយស្ថាប័ន Royal Swedish Academy of Sciences (រាជបណ្ឌិតសភាវិទ្យាសាស្ត្រស៊ុយអែត) នៅឯសន្និសីទសារព័ត៌មាន ក្នុងទីក្រុង Stockholm ប្រទេសស៊ុយអែត។

លោកសាស្ត្រាចារ្យ John Clarke ដែលកើតនៅប្រទេសអង់គ្លេស ហើយឥឡូវនេះធ្វើការនៅសាកលវិទ្យាល័យ California ក្នុងទីក្រុង Berkeley សហរដ្ឋអាមេរិក បាននិយាយថា៖ «និយាយដោយស្មោះត្រង់ វាគឺជារឿងដ៏គួរឲ្យភ្ញាក់ផ្អើលមួយ ក្នុងជីវិតរបស់ខ្ញុំ»។

គួរបញ្ជាក់ថា ម្ចាស់ជ័យលាភីទាំង ៣រូប នឹងចែកគ្នានូវប្រាក់រង្វាន់ចំនួន ១១លានក្រូណាស៊ុយអែត (ប្រមាណជា ១លានដុលា្លរ)៕