​អង់គ្លេស៖ លោកនាយក​រដ្ឋមន្ត្រី​អង់គ្លេស Boris Johnson បាន​និយាយថា លោក​ប្រធានាធិបតី Vladimir Putin កំពុង​តម្រង់​កាណុង​កាំភ្លើង​ដាក់​ប្រទេស​អ៊ុយ​ក្រែ​ន ដើម្បី​ធ្វើបាប​លោកខាងលិចក្នុងការ​គូរ​ឡើងវិញ​នូវ​ផែនទី​សន្តិសុខ​ក្រោយ​សង្គ្រាមត្រជាក់​។ ​វិមាន​នាយករដ្ឋមន្ត្រីបាន​និយាយ​ក្រោយជំនួប​តាម​ទូរស័ព្ទរវាង​មេដឹកនាំ​ទាំង​២ ​ថា លោក Boris Johnson បាន​ប្រា​ប់លោក Vladimir Putin ហើយ​ថា ការឈ្លាន​ពាន​អ៊ុយ​ក្រែ​ន​ក្លាយជា​កំហុស​ជា​យុទ្ធសាស្ត្រ។​

សហរដ្ឋអាមេរិក សហភាព​អឺរ៉ុប និង​ចក្រភព​អង់គ្លេសបាន​ព្រមាន​ដដែលៗលើ​លោក Putin ទល់នឹង​ការវាយប្រហារ​ណាមួយ​លើ​អ៊ុយ​ក្រែ​ន ចាប់តាំងពី​រុស្ស៊ីបាន​ពង្រាយ​កងទ័ព​ប្រមាណ​ ១០ម៉ឺន​នាក់ជិត​ព្រំដែន​ជាមួយ​ប្រទេសជិតខាង​ជា​អតីត​សហភាពសូវៀត​របស់ខ្លួន​។ ​ក្រុមមន្ត្រី​រុស្ស៊ីបាន​និយាយថា​ លោកខាងលិច​តែងតែ​ខ្លាច​រុស្ស៊ី និង​គ្មាន​សិទ្ធិមក​ប្រដៅ​រុស្ស៊ី​ឡើយ បន្ទាប់ពី​ការឈ្លានពាន​ដឹកនាំ​ដោយ​សហរដ្ឋ​អាមេរិក​នៅ​មជ្ឈិមបូព៌ា បាន​សាប​ព្រួស​ភាពចលាចលនៅក្នុង​ប្រទេស​អ៊ីរ៉ាក់ និងស៊ី​រី ហើយ​សម្ព័ន្ធ​យោធា​ណា​តូបានអនុញ្ញាត​ឲ្យ​អតីតសាធារណរដ្ឋប្លុក​ខាងកើត​មួយ​នេះ​ចូល​ជា​សមាជិក​។​

​លោក Johnson បាន​ប្រើ​ដំណើរ​របស់លោក​ទៅកាន់​អ៊ុយ​ក្រែ​ន ដើម្បី​អំពាវនាវ​ឲ្យ​លោកខាងលិច​រួប​រួមគ្នា​ប្រឆាំងនឹង​អ្វីដែល​លោក​បាន​និយាយថា ​ជា​បំណង​របស់លោក Putin ក្នុងការ​បង្កើត​កិច្ច​ព្រម​ព្រៀង Yalta ថ្មីសំដៅ​ដល់​សន្និសីទ​ឆ្នាំ១៩៤៥​ ​នៅពេលដែល​អឺរ៉ុប​ត្រូវបាន​បែកបាក់ដោយសារ​អ្នក​ឈ្នះ​សង្គ្រាមលោកលើកទី​២​ គឺ​សហរដ្ឋអាមេរិក សហភាពសូវៀត និង​ចក្រភព​អង់គ្លេស​៕

អត្ថបទ៖ សុខមាន