មន្ត្រីរដ្ឋាភិបាលក្នុងប្រទេសអេក្វាឌ័រ បានចោទប្រកាន់ក្រុមបាតុករថា បានប៉ុនប៉ងវាយប្រហារលើលោកប្រធានាធិបតី Daniel Noboa ដោយនិយាយថាមនុស្សប្រហែល៥០០នាក់បានឡោមព័ទ្ធរថយន្តរបស់លោកនិងបានគប់ដុំថ្ម។ ការវាយប្រហារ ដែលបានបង្ហាញឲ្យឃើញនៅក្នុងខេត្ត Canar បានកើតឡើងនៅពេលដែល លោក Noboa បានទៅដល់តំបន់ Canton នៃទីក្រុង El Tambo ដើម្បីចូលរួមក្នុងព្រឹត្តិការណ៍មួយ។

រដ្ឋមន្ត្រីក្រសួងបរិស្ថាននិងថាមពល លោកស្រី Ines Manzano បាននិយាយថា រថយន្តរបស់ លោក Noboa មាន «ស្លាកស្នាមនៃការខូចខាតដោយគ្រាប់កាំភ្លើង»។ នៅក្នុងសេចក្តីថ្លែងការណ៍មួយទៅកាន់សារព័ត៌មាន លោកស្រីបានពន្យល់ថា លោកស្រីបានដាក់របាយការណ៍មួយ ដោយចោទប្រកាន់ថា ការប៉ុនប៉ងធ្វើឃាតបានកើតឡើង។

លោកស្រី Manzano បាននិយាយថា «ការបាញ់ប្រហារលើរថយន្តរបស់ប្រធានាធិបតី ការគប់ដុំថ្ម និងបំផ្លាញទ្រព្យសម្បត្តិរដ្ឋ នោះគឺជាអំពើឧក្រិដ្ឋកម្ម»។ «យើងនឹងមិនអនុញ្ញាតឱ្យរឿងនេះកើតឡើងទេ»។ ការិយាល័យប្រធានាធិបតី ក៏បានចេញសេចក្តីថ្លែងការណ៍មួយបន្ទាប់ពីការវាយប្រហារកាលពីថ្ងៃអង្គារដោយសន្យាថានឹងបន្តរកការទទួលខុសត្រូវប្រឆាំងនឹងអ្នកដែលពាក់ព័ន្ធ។