មន្ត្រីទីភ្នាក់ងារកុមារអង្គការសហប្រជាជាតិ បាននិយាយកាលពីថ្ងៃអង្គារទី៧ ខែតុលាថា អ៊ីស្រាអែលបានច្រានចោលដដែលៗការអនុញ្ញាតឱ្យផ្ទេរឧបករណ៍កែវចិញ្ចឹមទារក ពីមន្ទីរពេទ្យដែលត្រូវបានជម្លៀសចេញពីតំបន់ហ្កាហ្សាខាងជើង ដោយបន្ថែមភាពតានតឹងទៅលើមន្ទីរពេទ្យដែលមានមនុស្សច្រើនកកកុញនៅភាគខាងត្បូងជាកន្លែងដែលទារកទើបនឹងកើត បច្ចុប្បន្ននេះកំពុងចែករំលែកម៉ាស់អុកស៊ីសែន។

សង្គ្រាមរយៈពេលពីរឆ្នាំរវាងអ៊ីស្រាអែល និងក្រុមហាម៉ាស បានបង្កើនភាពតានតឹង និងកង្វះអាហារូបត្ថម្ភក្នុងចំណោមម្តាយមានផ្ទៃពោះ នាំឱ្យកើនឡើងទារកកើតមិនគ្រប់ខែនិងទម្ងន់មិនគ្រប់ ដែលអង្គការសុខភាពពិភពលោកនិយាយថា ពេលនេះមានចំនួនមួយភាគប្រាំនៃទារកទើបនឹងកើតទាំងអស់នៅតំបន់ហ្កាហ្សា។

ក្នុងរយៈពេលមួយខែកន្លងទៅនេះ ការវាយលុករបស់អ៊ីស្រាអែលលើទីក្រុងហ្កាហ្សា ភាគខាងជើងតំបន់ហ្កាហ្សា បានបិទមន្ទីរពេទ្យនៅក្នុងតំបន់នោះ ដែលកាន់តែធ្ងន់ធ្ងរទៅៗនៃអ្នកជំងឺនិងអ្នករបួសច្រើនកកុញនៅមន្ទីរពេទ្យដែលនៅតែបើកដំណើរការនៅភាគខាងត្បូង។

លោក James Elder អ្នកនាំពាក្យរបស់អង្គការយូនីសេហ្វ(UNICEF) បានពណ៌នាអំពីម្តាយ និងទារកដែលឈរនៅជាន់នៃអគារមន្ទីរពេទ្យ Nasser នៅភាគខាងត្បូងតំបន់ហ្កាហ្សា ហើយបាននិយាយថា ទារកកើតមិនគ្រប់ខែត្រូវបានបង្ខំឱ្យចែករំលែកម៉ាស់អុកស៊ីសែននិងគ្រែដេក។ ទន្ទឹមនឹងនេះ ឧបករណ៍សំខាន់ៗត្រូវជាប់គាំងនៅក្នុងមន្ទីរពេទ្យដែលត្រូវបានបិទនៅភាគខាងជើង។