ក្រុមអ្នកវិភាគនិយាយថា រយៈពេល ២ឆ្នាំនៃសង្រ្គាមរបស់ពួកគេនៅតំបន់ហ្កាហ្សា ដែលបានសម្លាប់មនុស្សជាង ៦៧.០០០នាក់ បង្ខំឲ្យកើតគ្រោះទុរ្ភិក្សមិនអាចរៀបរាប់បាន ហើយនិងការវាយប្រហារលើប្រទេសជិតខាងម្តងហើយម្តងទៀត អ៊ីស្រាអែលបានឯកានៅលើឆាកអន្តរជាតិ និងធ្វើឲ្យមានការបែងចែកនៅក្នុងប្រទេសរបស់ខ្លួន ។

ឡើងលើវេទិកានៅមហាសន្និបាតអង្គការសហប្រជាជាតិកាលពីចុងខែកញ្ញា នាយករដ្ឋមន្រ្តីអ៊ីស្រាអែលលោក Benjamin Netanyahu ប្រឈមនឹងទស្សនិកជនងាកមុខចេញ ពេលដែលប្រតិភូបន្តដើរចេញ ជាការតវ៉ាចំពោះអ្វីដែលពួកគេចាត់ទុកថា ជាសង្រ្គាមប្រល័យពូជសាសន៍របស់អ៊ីស្រាអែលលើតំបន់ហ្កាហ្សា ។

លើឆាកអន្តរជាតិ អ៊ីស្រាអែលកាន់តែឯកាខ្លាំង និងពឹងផ្អែកកាន់តែច្រើនលើការគាំទ្រពីសហរដ្ឋអាមេរិកជាងសម្ព័ន្ធមិត្តផ្សេងទៀត ដូចជាចក្រភពអង់គ្លេស ហើយសូម្បីតែអាល្លឺម៉ង់ក៏បានថ្កោលទោសសង្រ្គាមរបស់ពួកគេលើតំបន់ហ្កាហ្សាដែរ ។

លោក Alon Pinkas គឺជាអតីតឯកអគ្គរដ្ឋទូតអ៊ីស្រាអែល និងជាអតីតអគ្គកុងស៊ុលប្រចាំនៅទីក្រុងញូវយ៉ក និយាយប្រាប់កាសែត Al Jazeera ថា សង្រ្គាមអ៊ីស្រាអែលស្ថិតក្នុងការឈឺចាប់ខ្លាំងចំពោះអ្វីដែលពួកគេយល់ឃើញថា គឺជាការថ្កោលទោសមកលើពួកគេ នៅក្នុងទស្សនៈពិភពលោក ៕