ប្រធានមូលនិធិរូបិយវត្ថុអន្តរជាតិ (IMF) បាននិយាយកាលពីថ្ងៃពុធ៨ តុលា ថា សេដ្ឋកិច្ចពិភពលោកកំពុងដំណើរការល្អប្រសើរជាងការរំពឹងទុក ទោះប្រឈមនឹងភាពមិនច្បាស់លាស់ ដែលអូសបន្លាយពេលយូរ និងការរំពឹងទុកនៃកំណើនរយៈពេលមធ្យមទាបក៏ដោយ ។

ថ្លែងប្រាប់ក្រុមអ្នកសារព័ត៌មាននៅទីក្រុងវ៉ាស៊ីនតោន នាយកគ្រប់គ្រង IMF លោកស្រី Kristalina Georgieva បាននិយាយថា សេដ្ឋកិច្ចពិភពលោកកំពុងដំណើរការប្រសើរ ខុសពីក្ដីបារម្ភ ប៉ុន្តែអាក្រក់ជាងដែលយើងត្រូវការ។

លោកស្រីបានបន្ថែមថា មូលនិធិឥឡូវ នេះរំពឹងថាកំណើនសេដ្ឋកិច្ចពិភពលោកនឹងធ្លាក់ចុះ ត្រឹមតែបន្តិចនៅឆ្នាំនេះ និងឆ្នាំក្រោយ ដែលជំរុញដោយលក្ខខណ្ឌល្អប្រសើរជាងការរំពឹងទុកនៅក្នុងសហរដ្ឋអាមេរិក និងក្នុងចំណោមប្រទេសជឿនលឿនមួយចំនួនផ្សេងទៀត ទីផ្សារកំពុងរីកចម្រើន និងប្រទេសកំពុងអភិវឌ្ឍន៍។

ការអត្ថាធិប្បាយរបស់លោកស្រី Georgieva បានធ្វើឡើងនៅមុនការប្រមូលផ្តុំវត្តមានបណ្ដារដ្ឋមន្ត្រីហិរញ្ញវត្ថុ និងទេសាភិបាលធនាគារកណ្តាលនៅសប្តាហ៍ក្រោយនៅធនាគារពិភពលោក និង IMF ក្នុងទីក្រុងវ៉ាស៊ីនតោន។

ពាណិជ្ជកម្មទំនងជានឹងគ្របដណ្ដប់លើរបៀបវារៈម្តងទៀតនៅក្នុងកិច្ចប្រជុំប្រចាំឆ្នាំនោះ បន្ទាប់ពីការសម្រេចចិត្តរបស់ប្រធានាធិបតីអាមេរិក Donald Trump កាលពីដើមឆ្នាំនេះក្នុងការដាក់ពន្ធប្រឆាំងនឹងដៃគូពាណិជ្ជកម្មជាច្រើនលើពិភពលោក៕