រដ្ឋមន្ត្រីការបរទេសរបស់ក្រុមតាលីបង់នៅប្រទេសអាហ្វហ្គានីស្ថាន លោក Amir Khan Muttaqi បានចោទប្រកាន់ប្រទេសប៉ាគីស្ថានកាលពីថ្ងៃសុក្រថា បានធ្វើការវាយប្រហារតាមអាកាសនៅជិតព្រំដែនរបស់ខ្លួន ដោយចាត់ទុកវាថាជា «កំហុសដ៏ធំ» ខណៈទីក្រុងអ៊ីស្លាម៉ាបាដបាននិយាយថា ខ្លួនកំពុងមានចំណាត់ការប្រឆាំងក្រុមសកម្មប្រយុទ្ធ។

យោងតាមមន្ត្រីសន្តិសុខប៉ាគីស្ថានបាននិយាយថា ទាហានប៉ាគីស្ថាន១១នាក់ត្រូវបានសម្លាប់កាលពីថ្ងៃសុក្រនៅក្នុងការប៉ះទង្គិចគ្នាជាមួយក្រុមសកម្មប្រយុទ្ធអ៊ីស្លាមនិយមនៅក្នុងតំបន់ Tirah ជិតព្រំដែនប្រទេសអាហ្វហ្គានីស្ថាន។ ទីក្រុងអ៊ីស្លាម៉ាបាដ និយាយថា ក្រុមសកម្មប្រយុទ្ធនៃក្រុម Tehreek-e-តាលីបង់ប៉ាគីស្ថាន ធ្វើប្រតិបត្តិការពីប្រទេសអាហ្វហ្គានីស្ថាន ជាការចោទប្រកាន់ដែលសទីក្រុងកាប៊ុល ច្រានចោល។

លោក Muttaqi បាននិយាយក្នុងសន្និសីទសារព័ត៌មាននៅទីក្រុង New Delhi កាលពីថ្ងៃសុក្រថា «នៅតំបន់ព្រំដែន ដែលជាតំបន់ដាច់ស្រយាលមានការវាយប្រហារកើតឡើង។ យើងថ្កោលទោសការវាយប្រហារនេះ។ យើងចាត់ទុកថាវាជាកំហុសដ៏ធំរបស់រដ្ឋាភិបាលប៉ាគីស្ថាន។

ប្រទេសឥណ្ឌា កាលពីថ្ងៃសុក្របានធ្វើឱ្យប្រសើរនូវទំនាក់ទំនងជាមួយរដ្ឋបាលរបស់ក្រុមតាលីបង់នៅប្រទេសអាហ្វហ្គានីស្ថានដោយផ្តល់ការជំរុញដល់ក្រុមឯកោផ្នែកការទូតមួយនេះ ដោយបានការប្រកាសថាខ្លួននឹងបើកស្ថានទូតឡើងវិញនៅទីក្រុងកាប៊ុលដែលត្រូវបានបិទបន្ទាប់ពីក្រុមតាលីបង់បានដណ្តើមកាន់អំណាចកាលពីឆ្នាំ២០២១។